Sosiyete y’ubucuruzi ya United Arab Emirates Royal Group yatangije ishami ryayo i Kigali

AGEZWEHO

  • Suede yahaye u Rwanda inkunga ya Miliyari 8 Frw – Soma inkuru...
  • U Rwanda n'u Bushinwa byasinyanye amasezerano akuraho gusoresha kabiri ibicuruzwa – Soma inkuru...

Sosiyete y’ubucuruzi ya United Arab Emirates Royal Group yatangije ishami ryayo i Kigali

Yanditswe Oct, 12 2021 17:28 PM | 81,144 Views



Sosiyete y’ubucuruzi ya United Arab Emirates Royal Group yatangije ishami ryayo i Kigali ryiswe Royal Club UAE-Rwanda, rikaba ari irya mbere rigiye gukorera ku mugabane wa Afurika, ikazasohora imari mu kubaka amacumbi, ubuvuzi, n’ibindi. 

Iki kigo cya Royal Club UAE- Rwanda gifite intego yo kuba igicumbi cy’ibikorwa by’ubucuruzi mu karere, ndetse kigafasha u Rwanda kugera ku ntego yo guteza imbere ubukerarugendo bushingiye ku buvuzi.

Royal Club UAE-Rwanda iteganya kuzubaka icyiswe ‘Umudugudu w’Umurage’ (Heritage village) muri Kigali, ugamije kwereka no gusobanurira abanyarwanda n’abarusura ibijyanye n’umuco w’ibihugu byiyunze by’Abarabu.

Umuyobozi w’iyi sosiyete y’ubucuruzi ya Royal Club UAE-Rwanda, Robert Bigirimana avuga ko umutekano w’u Rwanda ari wo watumye aba bashoramari bagira icyizere cyo gushyira icyicaro cyayo mu Rwanda.

Yagize ati “Hari ibihugu byinshi bishakisha kuba abafatanyabikorwa ba  Royal Club, ariko bakurikiye cyane cyane umutekano, aho bashobora kumva ko ubutunzi buri mu mutekano ni cyo gituma bahisemo u Rwanda, twaje guhura nabo batugirira icyizere dukorana amasezerano.”

Igikomangoma cya Dubai, Sheikh Hamdan Bin Mohammad Bin Ahmed Al-Maktoum yavuze ko bahisemo u Rwanda kugira ngo rube ihuriro ry’ishoramari mu karere ruherereyemo no hanze yako.

Ati “Mukwiye kutubonamo amahirwe akomeye nk’ubu turi mu itangira ry’uru rubuga, uru ni urubuga rw’ubucuruzi ruzahuza ibihugu bituranye n’u Rwanda, rukazana abacuruzi n’abashoramari bakaza mu Rwanda ndetse no hanze y’u Rwandaa.”

Yasabye abantu kugira icyizere n’icyerekezo cy’ahazaza.





Ba uwambere gutanga igitekerezo

Tanga igitekerezo:



RSS FEED

Suede yahaye u Rwanda inkunga ya Miliyari 8 Frw

Perezida Kagame yageze i Dar es Salaam muri Tanzania

U Rwanda n'u Bushinwa byasinyanye amasezerano akuraho gusoresha kabiri ibi

Urukiko rw'ikirenga rurasaba abaturage kudatanga ruswa kugirango babone ser

Dr Nsanzimana uyobora RBC yahagaritswe

Dr Ndagijimana yavuze ku izamuka ry’ubukungu ku gipimo cya 10.2% n'uk