Rwandair yatangije ingendo zayo I Kinshasa (DRC)

Sosiyete y'u Rwanda ikora ubwikorezi bwo mu kirere/Rwandair yatangije ingendo zayo mu gihugu cya repubulika iharanira demokarasi ya kongo aho izajya ivana ikanajyana abagenzi ku kibuga cya Ndjili giherereye mu murwa mukuru Kinshasa.

Ni ahantu ha 27 Rwandair ifunguye ingendo zayo mu gihe isanzwe yerekereza ku mugabane wa Afrika ahantu 17, mu burasirazuba bwo hagati, Uburayi na Aziya. 

Ni Urugendo rwa  mbere Rwandair ifunguye kuva uyu mwaka wa 2019 watangira, ikazajya zerekeza I Kinshasa ku wa gatatu, ku wa gatanu no ku cyumweru.

Biteganyijwe ko hari izindi ngendo zizatangizwa muri uyu mwaka, abagenzi 120 barimo abikorera bo mu Rwanda abo muri Kongo abandi bagiye mu zindi gahunda  nibo bakoze urugendo rwa mbere rwerekeza Kinshasa.