Rubavu: Impungenge ku babyeyi bafite abanyeshuri barwaye covid 19 batarimo gukora ibizamini

AGEZWEHO

  • Uburyo umubano w’u Rwanda na Centrafrica warushijeho gukomera kuva mu 2014 – Soma inkuru...
  • Abiga muri African centers of Excellence bavuze ko biteguye kuzamura ireme ry'uburezi mu Rwanda – Soma inkuru...

Rubavu: Impungenge ku babyeyi bafite abanyeshuri barwaye covid 19 batarimo gukora ibizamini

Yanditswe Jun, 21 2021 18:53 PM
79,660 Views



Bamwe mu babyeyi bo mu Karere ka Rubavu bafite abana barwaye Covid 19, bahangayikishijwe no kuba abana babo batarimo gukora ibizamini bisoza umwaka w’amashuri bakaba basaba ko hazirikanwa uburyo abo bana nabo bazakora ibyo bizamini umwaka ntubabere impfabusa.

Aba babyeyi baragaragaza impungenge batewe n’uko abana babo barimo gucikanwa n’ibizamini bisoza umwaka w’amashuri, bakaba basaba leta ko yakwiga uburyo abo bana batacikanwa .

Ni impungenge bahuje n’abayobozi b’ibigo by’amashuri byagaragayemo abanyeshuri barwaye Covid 19, nk’uko byagaragajwe na Uzaribara Denis, umuyobozi w’urwunge rw’amashuri rwa Kanama Katolike, rufite abanyeshuri  15 barwariye mu rugo Covid 19.

Umuyobozi w’Akarere ka Rubavu wungirije ushinzwe imibereho myiza, Ishimwe Pacifique, yamaze impungenge aba babyeyi, abizeza ko nta munyeshuri uzacikanwa n’ibizamini kuko byatekerejweho kandi bizakemurwa.

Uyu muyobozi akomeza asaba abanyeshuri n’abandi baturage muri rusange gukomeza  kubahiriza  ingamba z’ubwirinzi, kugirango hirindwe ko abanyeshuri bakomeza kwandura.

Mu bigo by’amashuri byagaragayemo abanyeshuri banduye icyorezo cya Covid 19, babaye bahagaritse ikiruhuko cyo hagati mu masomo mu rwego rwo gufasha abana kwirinda ikwirakwira rya Covid19 igihe baba bari ku ishuri.

Uwamahoro Jeanne



Ba uwambere gutanga igitekerezo

Tanga igitekerezo:



RSS FEED