Rubavu: Abantu batatu bagwiriwe n'ikirombe umwe ahasiga ubuzima

Abagore batatu bagwiriwe n’ikirombe, umwe ahita yitaba Imana aho bacukuraga igitaka mu kinombe cyari cyarahagaritswe mu mudugudu wa Buranga mu kagari ka Basa mu murenge wa Rugerero.  Umunyamabanga Nshingwabikorwa w’umurenge wa Rugerero Uwajeneza Jeanette wemeje aya makuru avuga ko iki kirombe cyari cyarafunzwe gusa asaba abaturage kwirinda ibi bikorwa bishira ubuzima bwabo mukaga.

Abagwiririye n’ikirombe bari baturutse mu murenge uwa Nyakiriba, uwa Cyanzarwe uhana imbibe n’umurenge wa Rugerero. Abaturage baturiye ibi birombe bavuga ko, bitari bikwiriye uretse kuba bifite ingaruka k’ubuzima bwabo binatuma ibidukikije byangirika.

Babiri barokotse iyi mpanuka yo kugwirirwa n’ibirombe,bari kwa kwitabwaho mu bitaro bikuru bya Gisenyi.

Akarere ka Rubavu gakunze kugaragarwaho akajagari mu birombe aho abantu bacukura ibitaka cyangwa amabuye y’agaciro bakabigwamo.