Yanditswe Jun, 05 2017 15:17 PM | 4,183 Views
Raporo ya Banki y'Isi yo muri uku kwezi kwa Kamena, igaragaza uko ubukungu
bw'isi bwifashe ndetse n'uko buteganyijwe kuzamuka, irerekana ko ubukungu bw'u
Rwanda buzazamuka ku gipimo kiri hagati ya 6 na 7% uhereye muri uyu mwaka wa 2017 ukageza muri
2019.
Leta y'u Rwanda nayo ikaba yemeranya n'ibikubiye muri iyi raporo, ikemeza ko mu bizakomeza gushyigikira iterambere ry'ubukungu harimo n'urwego rw'inganda.
Minisitiri w'imari n'igenamigambi Claver Gatete, avuga ko gahunda ya Made in Rwanda izakomeza gutezwa imbere, kuko imaze kugaragaza ko yitaweho urwego rw'inganda rwazamura mu buryo bugaragara umusanzu warwo mu iterambere ry'ubukungu.
Banki y’Isi yemeza kandi ko ubukungu bw’isi buzazamukaho 2.7% mu 2017 ahanini bishingiye ku rwego rw’inganda n’ubucuruzi.
Mu bihugu biri mu nzira y'amajyambere, ubukungu ngo buzazamukaho 5.4% mu 2017, na 5.8% mu 2018-19 kubera ibiciro ku masoko mpuzamahanga bigenda bizamuka.
Mu rwego rwo kwifurizanya umwaka mushya muhire hagati y'abanyamakuru bakunzwe ba RBA
Jan 04, 2016
Soma inkuru