RSSB ivuga ko kwishyura mituweli bikomeza kugendera ku byiciro by’ubudehe bisanzwe

AGEZWEHO

  • Perezida Kagame yitabiriye inama ya ICGLR yiga ku mutekano wa Centrafrika – Soma inkuru...
  • Kwibuka27: Karongi na Nyamagabe, uturere twa mbere dufite imiryango myinshi yazimye – Soma inkuru...

RSSB ivuga ko kwishyura mituweli bikomeza kugendera ku byiciro by’ubudehe bisanzwe

Yanditswe Jan, 12 2021 07:32 AM
2,713 Views



Ikigo cy’Igihugu cy'ubwiteganyirize (RSSB) cyasabye abaturage kwishyura imisanzuy'umwaka wa 2021-2022, bakurikije ibyiciro by'ubudehe basanzwe bishyuriraho.

Ni mu gihe bo bakomeje kugaragaza ko bitari gukunda nyuma y'uko bashyizwe mu byiciro bivuguruye kandi batazi n'amafaranga bagomba kwishyura.

Ku mirenge SACCO ndetse n'ahatangirwa serivisi z'Irembo n'ahandi hishyurirwa imisanzu y'ubwisungane mu kwivuza, uhasanga bamwe mu baturage baje kwishyura imisanzu y'umwaka utaha wa 2021-2022.

Bavuga ko muri uku kwezi kwa mbere ari bwo baba batangiye kwishyura mu byiciro iyo misanzu kugira ngo umwaka mushya w'ubwisungane mu kwivuza uzatangire bararangije kuzuza imisanzu yose basabwa y'umuryango wose.

Gusa ngo bari mu gihirahiro cyo kutamenya umubare w'amafaranga umunyamuryango azishyura kuko hatazongera gushingirwa ku byiciro by'ubudehe ndetse n'uri kujya kuyishyura ari kubwirwa ko ikoranabuhanga ritarafungurwa ngo bemererwe kwishyura.

Ikigo cy'ubwiteganyirize RSSB kivuga ko abaturage bakomeza kwishyura imisanzu, bakurikije ibyiciro by'ubudehe basanzwe bishyuriraho.

Umuyobozi w'ishami rishinzwe ubukangurambaga no kwandika abanyamuryango ba mituweli muri iki kigo Ntigurirwa Deogratias asaba inzego zakira iyi misanzu  gufasha abaturage bakishyura nk'uko byari bisanzwe niharamuka habaye impinduka bakazabimenyeshwa.

Kugeza ubu abanyamuryango b'ubwisungane mu kwivuza bamaze gutanga imisanzu  yose y'umwaka wa 2020-2021 bageze ku kigero cya 84,5%.

Jean Paul  TURATSINZE



Ba uwambere gutanga igitekerezo

Tanga igitekerezo:



RSS FEED

Hari abadepite basaba RSSB kwishyuza ku ngufu abakoresha batishyura ubwiteganyir

Kuba hari imiti abakoresha RAMA na mituweli batabona ngo ni uko RSSB ‘icyi

Kwishyura mituweli bigeze kuri 78%: Ikoranabuhanga ryarimakajwe

Barifuza ko imyaka yo kujya muri pansiyo yagabanywa urubyiruko rukabona akazi

RSSB yijeje PAC ko nta gihombo kizongera kuba mu mari ishorwa mu macumbi

Imbogamizi z'abaturage bakenera serivisi zitangirwa ku cyicaro cya RSSB gus