RIB yafashe abakekwaho guhimba imyirondoro y’abana bashakaga kujya mu ishuri rya Bayern Munich

Urwego rw'Igihugu rw'Ubugenzacyaha rwataye muri yombi abagabo 2 bakekwaho guhindura imyaka y’abana 2 ngo bemererwe kujya ku rutonde rw’abazajya gutorezwa mu ishuri ryigisha umupira w’amaguru rya Bayern Munich.

Abatawe muri yombi ni Leon Nisunzumuremyi umutoza w’abo bana babiri na Karorero Arstide Data Manager w’Umurenge wa Kinyinya.

Iperereza ryagaragaje ko umugabo witwa Leon Nisunzumuremyi umutoza wa Cedric na Joshua afatanyije na Karorero Arstide Data Manager mu Murenge wa Kinyinya bafatanyije guhindura imyirondoro ya Iranzi Cedric na Muberwa Joshua aho babahaye ibyangobwa ko bavutse 2011 kugira ngo babashe kuzuza ibyasabwaga ngo bemererwe kujya  ku rutonde rwabazajya gutorezwa mu ishuri ryigisha umupira w’amaguru rya Bayern Munich.

Ranzi Cedric irangamimerere rigaragaza ko yavutse 2009 ariko yatanze ibyangobwa bigaragaza ko yavutse 2011.

Muberwa Joshua irangamimerere igaragaza ko yavutse 2007 ariko yatanze ibyangobwa bigaragaza ko yavutse 2011.

Iperereza ryagaragaje ko umugabo witwa Leon Nisunzumuremyi umutoza wa Cedric na Joshua afatanyije na Karorero Arstide Data Manager mu Murenge wa Kinyinya bafatanyije guhindura imyirondoro ya Iranzi Cedric na muberwa joshua aho babahaye ibyangobwa ko bavutse 2011kugira ngo babashe kuzuza ibyasabwaga.

Iperereza na none ryagaragaje ko kugira ngo Karorero Arstide abashe guhindura irangamimerere ya Cedric na Joshua yahawe indonke y’ibihumbi 35,000 Frw.

Iperereza kandi  ryagaragaje kandi ko Iranzi Cedric atari imfubyi ku babyeyi bombi nkuko byatangajwe, ahubwo ko afite Se umubyara, witwa Munyansanga Bosco na we ukurikiranyweho ubufatanyacyaha ku cyaha cyo gutanga indonke. Akaba akurikiranywe adafunze.

RIB ivuga ko ikindi iperereza ryagaragaje ni uko Leon Nisunzumuremyi umutoza wa Cedric na Joshua ari we wasabye umunyamakuru DukuzE Jado ngo akwirakwize iyo nkuru mu bitangazamakuru bitandukanye agaragaza ko FERWAFA yakoreye bariya abana ubugome. Ngo ibi bikaba byari bigamije gushyira igitutu kuri FERWAFA na Minisiteri ya Siporo ngo kugira ngo bisubireho.

Aba bagabo bakuranweho ibyaha birimo kwakira cyangwa gutanga indonke, guhimba, guhindura inyandiko cyangwa gukoresha inyandiko mpimbano no guhindura amakuru yo muri mudasobwa cyangwa urusobe rwa mudasobwa utabyemerewe.