RDB yeretse abashoramari b'i Rusizi amahirwe ahari babyaza umusaruro

AGEZWEHO

  • MINALOC muri gahunda yo kubaka amarerero adaheza – Soma inkuru...
  • Perezida Kagame yitabiriye inama ya ICGLR yiga ku mutekano wa Centrafrika – Soma inkuru...

RDB yeretse abashoramari b'i Rusizi amahirwe ahari babyaza umusaruro

Yanditswe Dec, 12 2020 08:34 AM
293,557 Views



Urwego rw’igihugu rushinzwe iterambere (RDB) rwasabye abashoramari bo mu karere ka Rusizi kwiga uburyo bwo kwibumbira hamwe kugira ngo ishoramari ryabo rigire ingufu.Mu nama yahuje uru rwego n’aba  bashoramari bagaragaje ko hari amahirwe yo kwihutisha ishoramari batari bazi ko ari muri aka karere

Aha i Rusizi,uretse muri ibi bihe bya Covid 19, mbere yaho ibihumbi n’ibihumbi by’abanyarwanda n’abanyekongo byambuka imipaka ya Rusizi ya mbere, iya Kabiri n’uwa Bugarama bajya cyangwa bava muri Congo mu bucuruzi. Ayo ni amahirwe afatanye n’aya  Lucky Philip ukuriye ishami ry’ ishoramari muri RBD yagaragaje.

N’ubwo bimeze gutyo ariko abashoramari b’ino aha ngo hari ibyo batari bazi bamenyeye mu kiganiro RDB yagiranye na bo kuri uyu wa gatanu,ariko kandi banagaragaza imbogamizi bafite

Philip Lucky yababwiye ko ishoramari rya Rusizi ryazamuka rikagera kure cyane,ariko abamenera ibanga.

Rusizi kugeza ubu ifite abashoramari banini 65 bahafite amahoteli n’ibindi bikorwa binini. Ariko abitegereza neza aka karere  bakabona nka zahabu itarakurwa mu gitaka kuko katarabyazwa umusaruro mu buryo bugaragara ukurikije ko gafite n’isoko utasanga ahandi ry’abaturanyi b’i Bukavu muri Repubulika ya Demokarasi ya Congo ku buryo uwo ari we wese wahashora imari mu kintu icyo ari cyo cyose  atakwicuza uko byagenda kose.

Kuri ubu abantu bagaragaza ko bitumvikana ukuntu ibintu byinshi bigezweho bijya gushakirwa mu maduka cyangwa inganda z’i Kigali bikagaera I Rusizi bihenze nyamara mu cyanya cyahariwe inganda kugeza ubu hamaze kugeramo uruganda rumwe gusa.

Ikiyaga cya Kivu uretse kugishakiramo isambaza na zo ubu zisigaye zarabuze,nta kindi kintu kigaragara abagituriye bagikesha nyamara,abazi iby’ubukerarugendo bakibonamo imari ikomeye.Ibi byose kimwe n’ibindi ni byo RDB ikangurira abashoramari kurebaho bagakanguka.

Theogene Twibanire



Ba uwambere gutanga igitekerezo

Tanga igitekerezo:



RSS FEED

Akanyamuneza mu baturiye Pariki y’Iburunga bagezweho n’umusaruro uva

Pariki ya Giswati Mukuru yatezweho kongera umubare wa ba mukerarugendo

Ubukerugendo bwifashe bute mu Karere ka Rubavu?

Hagiye gukoreshwa ikoranabuhanga mu ipiganwa rya cyamunara

Rwanda joins the world to celebrate Wildlife Day

RDB's tourism and Investment policies gets the nod from National Consultati