RCS igaragaza ko imirimo ya TIG izagabanya ubucucike mu magereza

AGEZWEHO

  • Abasirikare 150 b’Abaholandi bari mu mahugurwa mu Rwanda – Soma inkuru...
  • Ahahoze inkambi y’impunzi ya Gihembe hatangiye gusubiranwa mu rwego rwo kuhabungabunga – Soma inkuru...

RCS igaragaza ko imirimo ya TIG izagabanya ubucucike mu magereza

Yanditswe Jul, 07 2021 18:45 PM | 98,178 Views



Urwego rw’igihugu rushinzwe imfungwa n’abagororwa, RCS ruravuga ko umubare w’abagororwa bakoze ibyaha bisanzwe bakatirwa TIG, igihano  cy’imirimo y’inyungu rusange  ukiri muto.

RCS ivuga ko nk’ubu ku bagororwa bakabakaba ibihumbi 80,  abahawe TIG mu gihugu hose  bakoze ibyaha bisanzwe ari 101, barimo kurangiza igihano cyabo ku masite atatu.

Muri Muhazi mu karere ka Rwamagana, ni hamwe muri iki gihe hari abakatiwe n’inkiko barimo kurangiza ibihano bahawe birimo na TIG , imirimo y’inyungu rusange.

Uwimana Marie Josee yahamijwe icyaha cy’ubujura , akatirwa igifungo cy’imyaka itatu n’ihazabu ya miliyoni eshatu, iyi hazabu yasimbujwe TIG y’amezi atandatu

Tuyishime Yassine we yahamijwe icyaha cyo gukubita no gukomeretsa. Kuva mu 2012, nibwo mu mategeko ahana y’u Rwanda hashyizwemo igihano cya TIG kubahamijwe ibyaha bisanzwe, igihano cyari gisanzwe gitangwa n’inkiko gacaca.

Itegeko riteganya ibyaha n’ibihano muri rusange rivuga ko TIG inahabwa umuntu  wahamwe n’icyaha gihanishwa igifungo kitarenze imyaka itanu, aho urukiko rushobora gutegeka uwagikatiwe kurangiza icya kabiri cy’igihano akora igihano cy’imirimo y’inyungu rusange.

TIG kandi ishobora guhabwa uwategetswe kwishyura ihazabu cyangwa se ubwishyu ubwo ari bwo bwose bugenewe isanduku ya Leta, n’ibintu bigomba gusubizwa cyangwa indishyi z’akababaro bigenewe uwakorewe icyaha

Umuvugizi wa RCS, SSP Pelly Uwera Gakwaya  avuga ko bafasha abarangiza TIG babagorora bakanakora imirimo y’inyungu rusange, TIG kandi ngo bayitezeho kugabanya ubucucike buri mu magereza n’ubwo umubare w’abayihabwa ngo ukiri muto

Muri abo barimo gukora TIG , 100 ni ab’ibyaha bisanzwe basanzeyo abari barakatiwe TIG n’inkiko gacaca babarirwa muri 50 kuko abenshi bagiye barangiza igihano cyabo.

Akimana Latifat



Ba uwambere gutanga igitekerezo

Tanga igitekerezo:



RSS FEED

Rwanda-Zambia: Inzego zishinzwe imfungwa n'abagororwa mu bufatanye

DCGP Marizamunda yiyemeje gushakira umuti ikibazo cy’ubucucike buri mu mag

Mufulukye yagizwe umuyobozi wa NRS, DCGP Marizamunda agirwa uwa RCS

Abagororwa barangiza ibihano bakirwa bate mu muryango nyarwanda?

Former convicts urge general public to be welcoming towards reformed returnees

Bamwe mu bagororwa barishimira imbabazi bahawe Perezida zatumye barekurwa