Polisi y’u Rwanda yasoje ukwezi kwahari ibikorwa bya Polisi iha abaturage batishoboye Inzu

AGEZWEHO

  • Abaturage bari baratinze kwikingiza Covid19 bavuze ko bagize impungenge zidafite ishingiro – Soma inkuru...
  • Abanyamuryango ba Koperative COPCOM barishimira icyemezo cy'urukiko rwahamije icyaha abanyereje umutungo wayo – Soma inkuru...

Polisi y’u Rwanda yasoje ukwezi kwahari ibikorwa bya Polisi iha abaturage batishoboye Inzu

Yanditswe Dec, 28 2021 18:49 PM | 106,240 Views



Polisi y’u Rwanda yasoje ukwezi kwahariwe ibikorwa bya Polisi, iha abaturage batishoboye inzu zo guturamo ndetse n’ibindi bikorwa bigamije iterambere ry’imibereho myiza bifite agaciro hafi miliyari imwe mu mafaranga y'u Rwanda.

Mu Mujyi wa Kigali ibi bikorwa bya polisi byibanze kuri gahunda zo gushishikariza abaturage kubahiriza ingamba zo kwirinda no gukumira icyorezo cya COVID19.

Uturere tugize uyu mujyi n'imirenge hateguwe amarushanwa y'ubudasa, mu kubahiriza izi ngamba hakagenda hakorwa udushya dutandukanye.

Umurenge wa Bumbogo mu karere ka Gasabo, niwo wahize iyindi 35 igize uyu mujyi, Ubuyobozi bw'uyu murenge bwashyikirijwe imodoka naho akarere ka Kicukiro niko kaje ku mwanya wa mbere gahabwa igikombe.

Muri uyu mujyi kandi hatanzwe inzu ku mukecuru utishoboye mu murenge wa Nduba.

Umuyobozi w'Umujyi wa Kigali, Pudence Rubingisa avuga ko n'ubwo hasojwe aya marushanwa ku bijyanye n'ingamba zo kwirinda no gukumira icyorezo cya COVID19, urugendo rukiri rurerure.

Mu ntara y'Iburengerazuba abaturage bamurikiwe imwe mu mishinga Polisi yateye inkunga, irimo coperative 6 z'abagore bahoze bakora ubucuruzi bwambukiranya umupaka butemewe, ni Imishinga yatwaye amafaranga angana na miliyoni 40.

Abafashijwe bishimira ko yabafashije kureka ubucuruzi butemewe bwabagiragaho ingaruka mbi.

Gusoza uku kwezi kwahariwe ibikorwa bya Polisi y'u Rwanda, mu ntara y'Iburasirazuba byabereye mu karere ka Gatsibo, hakaba harubatswe Inzu 7 ni ukuvuga imwe muri buri Karere, zikaba zahawe  abaturage batishoboye, ubwogero bw'inka bugera kuri 13, ingo zigera ku 1458 zihabwa amashanyarazi akomoka ku mirasire y'izuba, abaturage bagera ku gihumbi batangirwa ubwisungane mu kwivuza.

Imiryango 4 yorojwe Inka byose bitwara ingengo y'imari y'amafaranga miliyoni zisaga 291.

Naho mu ntara y'Amajyaruguru iki gikorwa cyabereye mu karere ka Burera, Uwamahoro Angelique utuye mu Murengewa Cyanika mu Kagali ka Gisovu wari umaze imyaka 4 atagira icumbi, yashyikirijwe inzu yo kubamo kandi igezweho.

Ku rwego rw’Intara y’Amajyepfo gutaha ibikorwa Police y’u Rwanda byabereye mu karere ka Muhanga mu murenge wa Mushishiro, aho Umuryango wa Rwihandagaza Fidel washyikirijwe inzu igezweho nyuma yo kwimurwa mu manegeka aho bari batuye bonyine. 

Uyu musaza avuga ko gutuzwa hamwe n’abandi ku mudugudu bizamufasha kugira amasaziro meza.

Muri iyi ntara polisi yubakiye abatishoboye inzu 8, ingo 1070 ziracanirwa hakoreshejwe amashanyarazi aturuka ku mirasire y'izuba.

Umuvugizi wa Polisi y'u Rwanda, CP John Bosco Kabera yasabye abaturage kubyaza umusaruro ibi bikorwa remezo bahawe n'ubu bufasha, ku buryo bizababera inzira nziza yo kwirinda ibyaha no gutangira amakuru ku gihe aho bakeka ko haba intandaro y'ibyaha.

Muri kwezi kwahariwe ibikorwa bya polisi mu gihugu hose hubatswe Inzu 30, Imirasire y’izuba yacaniye ingo 4,578, imiryango 1600 yishyuriwe ubwisungane mu kwivuza, koperative 11 zahawe ibikoresho bigezweho bibafasha kwiteza imbere, aborozi b'inka bubakiwe ubwogero bw’inka 13 ndetse imiryango 4 yorojwe  inka, imodoka imwe yatanzwe ku bufatanye bwa polisi n'umujyi wa Kigali. 

Ni bikorwa byose hamwe byatwaye amafaranga y'u Rwanda asaga Miliyoni 997 Frw.


Jean Paul Turatsinze



Ba uwambere gutanga igitekerezo

Tanga igitekerezo:



RSS FEED

Abaturage bari baratinze kwikingiza Covid19 bavuze ko bagize impungenge zidafite

Abanyamuryango ba Koperative COPCOM barishimira icyemezo cy'urukiko rwahami

Kuri uyu wa Mbere haratangira mu bujurire urubanza rwa FLN

Amakoperative y'abamotari mu Burasirazuba agiye gusinya imihigo yo kurwanya

Ibrahim Boubacar Keïta wayoboye Mali yitabye Imana kuri iki Cyumweru

Novak Djokovic yirukanwe muri Australia