Polisi yerekanye abantu 13 bafatiwe mu bikorwa byo gutegura ibitero byiterabwoba muri Kigali

Kuri uyu wa Gatanu, Polisi y’igihugu n’Urwego rw’Igihugu rw’Ubugenzacyaha RIB berekanye abantu 13 bafatiwe mu bikorwa byo gutegura ibitero byiterabwoba mu mujyi wa Kigali.

Aba bantu bagasanganywe ibikoresho bitandukanye barimo  gukoresha muri uyu mugambi w’iterabwoba.

RIB Ivuga ko bamwe bafatiwe mu Mujyi wa Kigali abandi bafatirwa mu Karere ka Rusizi na Nyabihu, abafashwe kandi ngo bari bashinzwe kwinjiza abandi muri ibi bikorwa no kubahugura.

Abaganiriye n'itangazamakuru bicuza ibi bikorwa, bagasaba abantu bateganya kubyinjiramo kubireka.

Abafashwe ni abagabo 12 n’umugore umwe.

RIB ivuga ko mu iperereza ryibanze ryagaragaje ko aka gatsiko gakorana n'umutwe w'iterabwoba wa Allied Democratic Forces (ADF) ukorera muri RDC, kandi ukorana na ISIS mu icengezamatwara, ubuhezanguni n'uburyo bwo guturitsa ibisasu.