Polisi y'Igihugu yasabye abashoferi kudacunganwa na Camera zo ku muhanda

AGEZWEHO

  • Uburyo umubano w’u Rwanda na Centrafrica warushijeho gukomera kuva mu 2014 – Soma inkuru...
  • Abiga muri African centers of Excellence bavuze ko biteguye kuzamura ireme ry'uburezi mu Rwanda – Soma inkuru...

Polisi y'Igihugu yasabye abashoferi kudacunganwa na Camera zo ku muhanda

Yanditswe Apr, 23 2021 19:22 PM
16,169 Views



Mu gihe hakomeje igikorwa cyo gushyira camera zigenzura umuvuduko w’ibinyabiziga  ku muhanda,  Polisi y'Igihugu yasabye abashoferi kudacunganwa nizo Camera ahubwo bagaharanira gukurikiza amategeko y'umuhanda.

Polisi ivuga ko izi camera icyo zifasha ni uko zunganira abapolisi mu ku bungabunga umutekano wo mu muhanda.

Izi camera zishyirwa ahantu ku buryo utwaye ikinyabiziga  hari umuvuduko aba atagomba kurenza, zigafata amakuru yikinyabiziga nyuma akazacibwa amande.

zimwe muri izi camera usanga zishinze ahantu, izindi ziterekwa ku mihanda.

Umumotari witwa Nshimyumunyurwa avuga ko  we nta kibazo agira kuri camera, kuko ziba ziri ahantu hari icyapa cyerekana umuvuduko atagomba kurenza.

Avuga ko iyo abonye icyapa akora ibyo kimutegeka.

Umuvugizi wa Polisi y'u Rwanda, CP John Bosco Kabera, agira inama abakoresha umuhanda kubahiriza amategeko kuko izi camera zaje kunganira abapolisi ku bungabunga umutekano wo mu muhanda.  

Yagize ati “Niba warize amategeko y'umuhanda, ukiga gutwara ibinyabiziga ukaba warakorewe ubukangurambaga nka Gerayo Amahoro ukarenga ku mategeko, ubwo igisigaye ni uko ahari umupolisi abikubaza.”

“Haracyari na kare kuko hari igihe uzajya ugera nka Rusomo uyibone, nugera Nyagatare uyibone, hari gahunda ndende ariko icyangombwa ni ukudacunganwa na camera.”

Ku bijyanye no kuba izi camera hari aho zishyirwa hihishe, polisi y’u Rwanda ivuga ko abaturage baba barabwiwe ibyo bakwiye gukora, harimo kubahiriza amategeko y'umuhanda, bityo iyo babirenzeho batagombye kumva ko bari bubwirwe  aho ubahana aherereye.

Umuvugizi wa Polisi y'u Rwanda, CP John Bosco Kabera asaba abatwara ibinyabiziga kubahiriza amategeko y'umuhanda

Fiston Felix HABINEZA



Ba uwambere gutanga igitekerezo

Tanga igitekerezo:



RSS FEED

Polisi yagaragaje abantu batanu bakekwaho kwambura abamotari moto

Polisi y’u Rwanda yerekanye uwiyitaga umukozi wa MTN na RURA akambura aban

Abapolisi 30 batangiye amahugurwa abongerera ubumenyi mu gukoresha za moto

Umuyobozi wa Polisi ya Malawi yavuze ku Banyarwanda bakekwaho ibyaha bakiriyo

Perezida Kagame yazamuye mu ntera abayobozi bakuru muri Polisi y’Igihugu n

Hari ababoneye amahirwe mu kutihanganira abatwara imodoka banyoye