Perezida w'Urukiko rw'Ikirenga rwa Somalia yatangiye urugendo shuri mu Rwanda

AGEZWEHO

  • Suede yahaye u Rwanda inkunga ya Miliyari 8 Frw – Soma inkuru...
  • U Rwanda n'u Bushinwa byasinyanye amasezerano akuraho gusoresha kabiri ibicuruzwa – Soma inkuru...

Perezida w'Urukiko rw'Ikirenga rwa Somalia yatangiye urugendo shuri mu Rwanda

Yanditswe Nov, 09 2021 17:28 PM | 36,572 Views



Guhera kuri uyu wa Kabiri, Perezida w'Urukiko rw'Ikirenga wa Somalia, Bashe Yusuf Ahmed n’intumwa ayoboye batangiye urugendo shuri mu Rwanda, rugamije kureba uko barushaho guteza imbere ikoranabuhanga mu rwego rw'ubutabera muri icyo gihugu.

Bashe Yusuf Ahmed yavuze ko uru rugendo arimo we n’intumwa ayoboye rugamije kumenya imikorere n’imikoreshereze y’uburyo bukomatanyije bw’Ikoranabuhanga mu micungire y’imanza.

Avuga kandi ko hari uburyo nk’ubu bagitangira gukoresha, ariko bakifuza gukoresha nk’ubw'u Rwanda kugira ngo barusheho kunoza serivisi batanga.

Yagize ati "Dufata icyemezo cyo kuza mu Rwanda kwari ukugira ngo tumenye uko iri koranabuhanga rikora n'uko ryubatswe, uburyo rifasha mu gutanga ubutabera buboneye ku baturage, niturishyira mu bikorwa twizeye ko bizafasha urwego rw'ubutabera rwa Somalia gutanga ubutabera bukwiye ku rugero rwiza kandi binyuze mu mucyo binadufasha kugabanya ruswa."

Perezida w'Urukiko rw'Ikirenga mu Rwanda, Dr. Faustin Ntezilyayo avuga ko urugendo shuri rwa Perezida w'Urukiko rw'Ikirenga wa Somalia ari urufunguzo rwo kurushaho gushimangira imikoranire hagati y'inzego z'ubucamanza mu bihugu byombi.

Ati "Icyo bivuze ni ubufatanye hagati y'ubucamanza hagati y'ibihugu byacu kubera ko imicire y'imanza igenda yivugurura, ni ngombwa ko buri gihugu gifatanya n'ibindi bihugu hagamijwe ko abantu barushaho gufatanya harebwa uko buzuza inshingano zabo."

Ikoranabuhanga mu micungire y’imanza ryatangiye gukoreshwa mu mwaka wa 2016. 

Leta y’u Rwanda yiyemeje kurikoresha kugira ngo umuturage abone serivisi zinoze nko kwihutisha imiburanishirize y’imanza no kurwanya  ruswa.

Fiston Felix Habineza



Ba uwambere gutanga igitekerezo

Tanga igitekerezo:



RSS FEED

Suede yahaye u Rwanda inkunga ya Miliyari 8 Frw

Perezida Kagame yageze i Dar es Salaam muri Tanzania

U Rwanda n'u Bushinwa byasinyanye amasezerano akuraho gusoresha kabiri ibi

Urukiko rw'ikirenga rurasaba abaturage kudatanga ruswa kugirango babone ser

Dr Nsanzimana uyobora RBC yahagaritswe

Dr Ndagijimana yavuze ku izamuka ry’ubukungu ku gipimo cya 10.2% n'uk