Yanditswe Sep, 07 2021 07:32 AM | 78,088 Views
Perezida wa Repubulika Paul KAGAME yasabye urwego rw'ubucamanza gufatanya n'izindi nzego kurinda abaturage ibisambo n'ubundi bugizi bwa nabi bwifashisha ikoranabuhanga.
Ibi umukuru w'igihugu yabigarutseho kuwa Mbere tariki ya 6 Nzeri mu muhango wo gutangiza umwaka w'ubucamanza wa 2021/2022.
Umuhango wo gutangiza umwaka w'ubucamanza wa 2021/2022 wabaye mu gihe hashize hafi imyaka 2 icyorezo cya COVID19 cyugarije u Rwanda n'Isi yose muri rusange.
Ibi byatumye mu mwaka ushize wa 2020/2021, hafi 80% y'imanza zigera hafi ku bihumbi 75 ziburanishwa hifashishijwe ikoranabuhanga.
Perezida wa Repubulika kandi yashimiye abakora muri uru rwego kubw'akazi keza bakoze bifashishije iryo koranabuhanga ariko kandi abasaba kurinda abaturage kugwa mu mutego w'abagizi ba nabi bahurira nabo kuri iryo koranabuhanga.
Muri raporo ku bipimo by'imiyoborere mu Rwanda yashyizwe ahagaragara n'urwego rw'igihugu rw'imiyoborere, RGB, mu mwaka ushize wa 2020 urwego rw'ubucamanza rwagize amanota 81.89%.
Perezida w'urukiko rw'ikirenga akaba na perezida w'inama nkuru y'ubucamanza Dr. Faustin NTEZILYAYO avuga ko nubwo muri rusange ibyo bishimangira imikorere myiza y'uru rwego bidakuraho ko hari bamwe mu bakozi barwo bakomeje kurusiga icyasha.
Mu mwaka w'ubucamanza ushize umucamanza umwe n'abanditsi 3 baregewe inama y'ubucamanza bafatirwa ibyemezo bitandukanye birimo, guhagarikwa ku kazi by'agateganyo no kwirukanwa burundu mu kazi mu rwego rwo gutanga ubutabera bunoze.
Perezida Paul KAGAME nawe yanenze bamwe mu bakozi b'urwego rw'ubucamanza bakijandika muri ruswa ashimangira ko badakwiye kwihanganirwa anaboneraho gusaba ko ikibazo cy'ibirarane by'imanza nacyo cyavugutirwa umuti.
Muri rusange urwego rw'ubucamanza rwizeza ko, uko icyorezo cya COVID19 kizakomeza kugenza make bizarufasha kurushaho gukora neza ariko nanone ngo ikoranabuhanga rizakomeza kuba ingenzi mu mikorere y'uru rwego.
Abanyarwanda bategujwe imvura idasanzwe mu mpera za Mata
Apr 21, 2024
Soma inkuru
Perezida Kagame yasobanuye uko Abanyarwanda bigobotoye imyumvire yo gutegera amaboko amahanga
Apr 19, 2024
Soma inkuru
U Rwanda na Georgia byemeranyije ubufatanye mu bya politiki na diplomasi
Apr 17, 2024
Soma inkuru
Hashyizweho uburyo bwo kwireba no kwiyimura kuri lisiti y’itora hakoreshejwe ikoranabuhanga
Apr 17, 2024
Soma inkuru
FERWAFA yanyuzwe n'umusaruro w'Amavubi mu mezi ane ashize
Apr 17, 2024
Soma inkuru
RHA yahumurije abubakishije amakaro yo mu bwogero ku nkuta z’inzu z’ubucuruzi
Apr 17, 2024
Soma inkuru
Gakenke: Imirimo yo kubaka Umudugudu w’Icyitegererezo uzatuzwamo abahoze mu manegeka irarimban ...
Apr 17, 2024
Soma inkuru
Karongi: Inzobere z’abaganga ba RDF zatangiye kuvura abaturage ku buntu
Apr 16, 2024
Soma inkuru