Yanditswe Oct, 08 2021 15:03 PM | 69,865 Views
Kuri uyu wa Gatanu, Perezida wa Repubulika Paul Kagame yakiriye
muri Village Urugwiro abahagarariye ibihugu byabo mu Rwanda batatu,
bamushyikirije impapuro zibemerera guhagararira ibihugu byabo ku rwego rwa ba
ambasaderi.
Aba barimo Bert Versmessen ugiye guhagararira u Bubiligi mu Rwanda, Misfer bin Faisal Mubarak Al Ajab Al Shahwani wa Qatar na Rania Mahmoud wa Misiri.
Nyuma yo kwakirwa n’Umukuru w’Igihugu, Ambasaderi mushya w’u Bubiligi mu Rwanda, Bert Versmessen yavuze ko u Rwanda ari Igihugu bisanzwe bibanye neza, kandi ko azashyira imbaraga mu kurushaho kuzamura umubano w’ibihugu byombi cyane cyane mu mikoranire mu bukungu n’ibindi.
Ambasaderi mushya wa Qatar mu Rwanda, Misfer bin Faisal Mubarak Al Ajab Al Shahwani we yavuze ko azashyira imbaraga mu ishyirwa mu bikorwa ry’imishinga y’ubukungu ihuriweho n’ibihugu byombi.
Ambasaderi mushya wa Misiri, Rania Mahmoud Mohamed El Banna yavuze ko yashyikirije Perezida Kagame ubutumwa bwa Mugenzi we wa Misiri, muri ubwo butumwa harimo kumushimira uruhare rwe mu gushakisha ibisubizo by'ibibazo bya Afurika bikozwe n’abanyafurika, ndetse n’uburyo u Rwanda rufatanya na Misiri mu kurushaho kunoza ikoreshwa n’ibungabungwa ry’uruzi rwa Nil.
Yavuze kandi ko mu byo azashyiramo imbaraga harimo gukomeza gushimangira no guteza imbere imikoranire hagati y'ibihugu byombi mu bukungu.
Ambasaderi mushya wa Misiri, Rania Mahmoud Mohamed El Banna ubwo yakirwaga na Perezida Kagame
Ambasaderi mushya w’u Bubiligi mu Rwanda, Bert Versmessen ubwo yahurana na Perezida Kagame
Ambasaderi mushya wa Qatar mu Rwanda, Misfer bin Faisal Mubarak Al Ajab Al Shahwani ari kumwe na Perezida Kagame
Fiston Felix HABINEZA
Perezida Kagame yasobanuye uko Abanyarwanda bigobotoye imyumvire yo gutegera amaboko amahanga
Apr 19, 2024
Soma inkuru
U Rwanda na Georgia byemeranyije ubufatanye mu bya politiki na diplomasi
Apr 17, 2024
Soma inkuru
Hashyizweho uburyo bwo kwireba no kwiyimura kuri lisiti y’itora hakoreshejwe ikoranabuhanga
Apr 17, 2024
Soma inkuru
FERWAFA yanyuzwe n'umusaruro w'Amavubi mu mezi ane ashize
Apr 17, 2024
Soma inkuru
RHA yahumurije abubakishije amakaro yo mu bwogero ku nkuta z’inzu z’ubucuruzi
Apr 17, 2024
Soma inkuru
Gakenke: Imirimo yo kubaka Umudugudu w’Icyitegererezo uzatuzwamo abahoze mu manegeka irarimban ...
Apr 17, 2024
Soma inkuru
Karongi: Inzobere z’abaganga ba RDF zatangiye kuvura abaturage ku buntu
Apr 16, 2024
Soma inkuru
Abamotari batakambye ku biciro by’ubwishingizi birushaho gutumbagira
Apr 16, 2024
Soma inkuru