Perezida Kagame yakiriye abantu 26 bo mu muryango w'abayobozi bakiri bato

Perezida wa Repubulika Paul Kagame yakiriye itsinda ry’abagera kuri 26 babarizwa mu Muryango w’Abayobozi bakiri bato (Young Presidents’ Organization), bagiriye uruzinduko mu Rwanda.

Izi ntumwa ziri muri gahunda y’ingendo zikorera mu bihugu icyenda bifite umwihariko, bagahura n’abayobozi b’ibigo by’ubucuruzi byo muri ibyo bihugu.

Umuryango YPO ugizwe n’abanyamuryango bagera ku bihumbi 30 baturuka mu bihugu 130 byo ku Isi, bafite intego yo kuzana impinduka mu mibereho n’ubucuruzi mu batuye isi.

YPO yashinzwe mu 1950 i Rochester, muri New York, n’umunyanganda Ray Hickok, wari ufite imyaka 27 ubwo yabaga umuyobozi wa sosiyete yitwa Hickok Belt ifite icyicaro i Rochester, ikaba yari ifite  abakozi 300.