Perezida Kagame yagiriye uruzinduko muri Qatar

Perezida wa Repubulika Paul Kagame kuri uyu wa Kabiri yagiriye uruzinduko i Doha muri Qatar.

Umukuru w’Igihugu yahuye n’Umuyobozi w’Ikirenga w’iki gihugu, Amir Sheikh Tamim bin Hamad Al-Thani baganira ku mubano w’ibihugu byombi mu nzego zinyuranye zirimo ubukungu n’ishoramari.

Ibiro ntaramakuru bya Qatar bitangaza ko aba bayobozi bombi banaganiriye ku ngingo zireba akarere ndetse n’izireba isi muri rusange.

Nyuma y’iyi nama, Umuyobozi w’Ikirenga wa Qatar yakiriye ku meza Perezida Kagame wari kumwe n’abandi bayobozi bamuherekeje muri uru ruzinduko.

U Rwanda na Qatar bafitanye imishinga ikomeye, harimo uwo kubaka ikibuga mpuzamahanga cy’indege cya Bugesera, ubucuruzi, ubukerarugendo n’ibindi.