Perezida Kagame yagaragarije amahanga imabaraga z’u Rwanda mu kubungabunga ibidukikije

AGEZWEHO

  • Gahunda yo kwigishiriza kuri radiyo izatuma abanyeshuri badasubira inyuma – Soma inkuru...
  • Barifuza ko ubwinshingizi bw'ibinyabiziga bwaba buhagaritswe – Soma inkuru...

Perezida Kagame yagaragarije amahanga imabaraga z’u Rwanda mu kubungabunga ibidukikije

Yanditswe Jan, 15 2020 10:50 AM
785 Views



Perezida wa Repubulika Paul Kagame avuga ko kubaka  iterambere rirambye kandi ridafite uwo riheza ari imwe mu nkingi za mwamba zisobanura icyerekezo cy'u Rwanda rushya.

Ibi ni bimwe yagarutseho mu kiganiro yatangiye mu murwa mukuru wa Leta zunze Ubumwe z’Abarabu wa Abu Dhabi kuri uyu wa Kabiri.

Iki kiganiro cyibanze ahanini ku hazaza h’iterambere rirambye aho, Perezida wa Repubulika Paul Kagame yerekanye inyungu z'ishyirwaho rya politiki y'ubukungu buganisha ku iterambere ridafite uwo riheza ndetse no kubungabunga ibidukikije,urugendo rwatangiye mu Rwanda mu myaka 15 ishize.

Ati “Nkuhaye urugero, ni uko twahereye ahantu amashyamba yacu hafi ya yose bari barayatemye bashaka inkwi cyangwa n' ibindi bikoresho byavaga mu biti,urabyumva ntabwo byari gusa abaturage bari batangiye kumva ikibazo  ndetse bakanabigaragaza, bituma dutangiza gahunda yo gutera ibiti ,mu gihe gito twari tumaze  duteye ibiti hafi 10% by'amashyamba yacu yari yongeye kumera.

Usibye gahunda yo gutera ibiti, Umukuru w'Igihugu yagaragaje ko hagombaga gufatwa izindi ngamba zikomeye harimo no guca  ikoreshwa ry'amashashi mu nyungu z'ibidukikije ndetse n’ejo hazaza h'abaturage.

Yagize ati “Abantu bibazaga ikizakoreshwa igihe amashashi yaciwe mu gihugu, gusa ndabamenyesha ko ibi byatanze amahirwe mu rwego rw' ubukungu kuko abantu babonye amahirwe y'ishoramari yo gukora ibyo gupfunyikiramo bisimbura amashashi ,ubu tukaba tugeze ku rwego rwo guca ibipfunyikirwamo bikoresha rimwe ariko bikoze muri palasitiki.”

Perezida Paul Kagame agaragaza kandi yashimangiye ko nta politiki ishobora kuramba  igihe cyose itubakiye ku baturage.

Ati “Icyo twakoze ni ukugaragaza ko hari ibintu dushobora gukora mu bushobozi bwacu kandi tugakora ikinyuranyo mu byo dukora, tukibaza tuti ‘ese ni ngombwa ko abaterankunga baduha amafaranga kugira ngo dukore u isuku yacu? Twasanze twabyikorera, tukabungabunga ibidukikije bityo tugakora ikinyuranyo, tugakora ikintu gishya, ikintu cyiza kurushaho, kandi ibi ni ibintu byamaze kwinjira mu buzima bw' abaturage bwa buri munsi.”

Ku bijyanye n' imiturire mu mijyi, Perezida wa Repubulika yavuze ko hashyizweho ingamba zihamye kdi zigaragaza umusaruro,  kuva aho hagiriyeho gahunda yo guteza imbere imijyi 6 yunganira Umurwa Mukuru w’u Rwanda wa Kigali.


Eddy SABITI



Ba uwambere gutanga igitekerezo

Tanga igitekerezo:



RSS FEED

Perezida Kagame avuga kuri #COVID19 ati ‘kugira impagarara muri ibi bihe n

Perezida Kagame yasabye abayobozi kwirinda gukoresha ububasha bahawe mu nyungu z

Perezida Kagame yatangije ibikorwa by’iserukiramuco ry’umukino wa Ba

Perezida Kagame yatanze miliyoni zirenga 460 mu kigega Nyafurika gifasha abagore

Perezida Kagame yunamiye intwari z'Igihugu (Amafoto)

Abambasaderi 10 bashyikirije Perezida Kagame inyandiko zibemerera guhagararira i