Perezida Kagame yagaragaje uruhare rw’umuyobozi mu mpinduka mu mibereho y’abayoborwa

AGEZWEHO

  • Abanyamahanga bari mu Rwanda bashimye ingamba leta yafashe mu guhangana na Covid19 – Soma inkuru...
  • Ku nshuro ya Mbere Youthconnekt Africa Summit igiye kubera hanze y’u Rwanda – Soma inkuru...

Perezida Kagame yagaragaje uruhare rw’umuyobozi mu mpinduka mu mibereho y’abayoborwa

Yanditswe Sep, 16 2021 18:16 PM | 56,608 Views



Perezida wa Republika Paul Kagame ubwo yagezaga ikiganiro ku bitabiriye inama y’ikigo cyo mu Budage cya Stern Stewart Institute, yagaragaje ko hakwiye kuba imikoranire hagati y’abayobozi n’abayoborwa, ndetse asobanura ko imiyoborere itagomba gushingira ku miterere y’umuntu wisanze ari umuyobozi.

Muri iki kiganiro kandi Perezida Kagame yagaragaje uruhare rw’umuyobozi n’ubuyobozi mu mpinduka ziba mu mibereho y’abayoborwa.

Yagize ati “Mbere na mbere ubuyobozi bukwiye kumvikana mu buryo bw’imikoranire hagati y’abayobozi n’abayoborwa. Ntabwo ari ibijyanye n’imiterere y’umuntu byabaye ngomba ko aba umuyobozi. Mfite ibintu 2 byihariye mu bitekerezo byanjye. Icya 1 ni icyizere abaturage baba bafite ko umuntu arimo gukora ku bw’inyungu y’igihugu. Icya 2 ni uburyo bwo kubazwa inshingano zitanga umusaruro abaturage bategereje.”

Yunzemo ati “Kenshi na kenshi kuba abayobozi bemewe bishingira ku nzira banyuzemo n’uburyo bageze ku mwanya bariho, cyangwa se ku buryo bava kuri iyo mirimo. Ibindi biba hagati aho usanga bihabwa agaciro gake nyamara umusaruro mwiza cyangwa mubi w’ibyo umuyobozi yakoze biterwa n’uko abaturage baba bamubona. Rero usanga kenshi habaho kunyuranya hagati y’imyumvire y’abari imbere mu gihugu n’iy’abanyamahanga ku mikorere y’abayobozi batandukanye."

Umukuru w’Igihugu yavuze ko umuyobozi cyangwa ubuyobozi butanga umusaruro ufatika mu mibereho myiza y’abaturage aba yageze ku nshingano uko bikwiye, gusa ashimangira ko abayobozi badashobora gukora bonyine.

Ati "Abayobozi ntibashobora kuyobora ibihugu bonyine. Bashobora gushyiraho umurongo n’icyerekezo bakanazamura urugero rw’ibyifuzwa kugerwaho, babishyizemo rubanda mu buryo butaziguye. Ni yo mpamvu muri Afrika abayobozi tumara igihe kinini tugirana ibiganiro n’abaturage bacu. No mu Rwanda ni uko bimeze. Gushyira ingufu mu kuzamura urubyiruko intego ni ukugirango bigire, bigirire icyizere kurushaho babe abahanga ibishya kurusha uko byari bimeze mu bisekuruza byatambutse. Bitategenze gutyo nta yinzi nzira yo kurinda ibyo igihugu cyacu cy’u Rwanda cyagezeho mu myaka 27 ishize."



Ba uwambere gutanga igitekerezo

Tanga igitekerezo:



RSS FEED

Madame Jeannette Kagame arasaba Unity Club kutarangazwa n’ibigwi by’

"Kwiyoroshya ntacyo bikwambura ahubwo bikongerera imbaraga" - Perezida

Perezida Kagame yasabye urubyiruko kureba kure

Perezida Kagame yakiriye aba ambasaderi 4 bashya

Gukora ibyiza ni byo bizaturinda abo bose batwifuriza inabi- Perezida Kagame

Niba abahakana amateka bitabatera isoni jye nawe twagira ubwoba bwo guhangana na