Perezida Kagame yagaragaje uburyo Abanyarwanda bahanganye na Covid19

AGEZWEHO

  • Suede yahaye u Rwanda inkunga ya Miliyari 8 Frw – Soma inkuru...
  • U Rwanda n'u Bushinwa byasinyanye amasezerano akuraho gusoresha kabiri ibicuruzwa – Soma inkuru...

Perezida Kagame yagaragaje uburyo Abanyarwanda bahanganye na Covid19

Yanditswe Nov, 05 2021 20:42 PM | 74,235 Views



Perezida Paul Kagame yavuze ko uburyo u Rwanda rwitwaye mu rugamba rwo guhangana n'icyorezo cya COVID19, ari umusaruro w'imbuto y'ubufatanye bw'Abanyarwanda bose n'imiyoborere myiza yabibwe mu myaka ishize.

Ku mugoroba wo kuri uyu wa Gatanu nibwo Perezida Kagame yakiriye indahiro z'abayobozi barimo umunyamabanga wa leta muri minisiteri y'ubutegetsi bw'igihugu ushinzwe imibereho myiza y'abaturage Ingabire Assumpta, Umugenzuzi mukuru w'imari ya leta Kamuhire Alex ndetse na DCGP Rose Muhisoni, komiseri mukuru wungirije w'urwego rw'igihugu rushinzwe imfungwa n'abagororwa, RCS.

Nubwo u Rwanda rugihanganye n'icyorezo cya COVID19, uyu muhango wabereye mu ngoro y'Inteko Ishinga Amategeko wabaye mu buryo bw'imbonankubone witabirwa n'abayobozi batandukanye.

Perezida Kagame yavuze ko uburyo u Rwanda rwitwaye mu rugamba rwo guhangana n'iki cyorezo, ari umusaruro w'imbuto yabibwe mu myaka ishize asaba abayobozi barahiye gukomereza muri uwo murongo.

Umukuru w'igihugu yagaragaje kandi inkingo zizakomeza gutangwa kugira ngo igihugu gikomeze kubaka ubudahangarwa bwo guhangana na COVID19, ariko ashimangira ko akarusho ariko u Rwanda rugiye gutangira kwikorera inkingo z'indwara zinyuranye.

Umunyamabanga wa leta muri minisiteri y'ubutegetsi bw'igihugu ushinzwe imibereho myiza y'abaturage Ingabire Assumpta asimbuye kuri uwo mwanya Nyirarukundo Ignatienne wahawe indi mirimo mu biro bya minisitiri w'intebe, naho Umugenzuzi mukuru w'imari ya leta Kamuhire Alex asimbuye Obadiah Biraro wushije ikivi cye, mu gihe DCGP Rose Muhisoni, komiseri mukuru wungirije w'urwego rw'igihugu rushinzwe imfungwa n'abagororwa, RCS, asimbuye Jeanne Chantal Ujeneza wagizwe umuyobozi mukuru wungirije wa Polisi ushinzwe Ubutegetsi n'imari.

Divin Uwayo



Ba uwambere gutanga igitekerezo

Tanga igitekerezo:



RSS FEED

Suede yahaye u Rwanda inkunga ya Miliyari 8 Frw

Perezida Kagame yageze i Dar es Salaam muri Tanzania

U Rwanda n'u Bushinwa byasinyanye amasezerano akuraho gusoresha kabiri ibi

Urukiko rw'ikirenga rurasaba abaturage kudatanga ruswa kugirango babone ser

Dr Nsanzimana uyobora RBC yahagaritswe

Dr Ndagijimana yavuze ku izamuka ry’ubukungu ku gipimo cya 10.2% n'uk