Perezida Kagame asanga imikoranire inoze ari yo yakemura ibibazo biri biyaga bigari

AGEZWEHO

  • U Rwanda na Israel mi masezerano y’ubufatanye mu nzego zinyuranye – Soma inkuru...
  • Ikawa y'u Rwanda, imbere mu gihugu inyobwa ku gipimo cya 3% gusa – Soma inkuru...

Perezida Kagame asanga imikoranire inoze ari yo yakemura ibibazo biri biyaga bigari

Yanditswe Nov, 20 2020 19:10 PM
101,091 Views



Mu nama mpuzamahanga y’umutekano ku karere k’ibiyaga bigari ICGLR,Perezida wa Repubulika Paul Kagame  yavuze ko nta nahahamwe  abakekwaho kugira uruhare muri Jenoside bakwiye guhabwa ububwihisho muri aka karere kandi ashimangira ko imikoranire inoze ari yo izatuma ibihugu bigize aka karere bishobora kugera ku ntego byihaye.

Perezida w’u Rwanda Paul Kagame yashimye intambwe imaze guterwa mu guhashya imitwe yitwaje intwaro ihungabanya umutekano mu karere k’ibiyaga bigari. Mu nama yahuje mu buryo bw’ikoranabuhanga, abakuru b’ibihugu bihuriye mu nama nkuru y’umutekano ku karere k’ibiyaga bigari ICGLR kuri uyu wa Gatanu ,Perezida Kagame yashimangiye ko imikorere n’imikoranire binoze ari byo bizafasha aka karere guhangana n’ibibazo bikugarije.

Yagize ati “Uburyo bw’imikorere n’imikoranire ihuriweho ni inzira nziza yo gukemura ibibazo bijyanye n’umutekano ndetse n’ubuzima rusange byugarije akarere k’ibiyaga bigari. Hamaze guterwa intambwe mu gutsemba imitwe yitwaje intwaro itemewe muri aka karere kacu, ariko haracyari byinshi byo gukora. Birakwiye ngo dukaze ingamba zo guhashya iyi mitwe uko yakabaye kuko amahoro niwo musingi w’iterambere.’’

Muri iyi nama yari iyobowe na Perezida wa Republika ya Kongo Dennis Sassu Ngwesu ari na we uyoboye inama y’umutekano ku karere k’ibiyaga bigari muri iki gihe ,Perezida Kagame yakomoje no kubahekuye u Rwanda avuga ko nta na hamwe bakwiye guhabwa ubuhungiro.

Ati “Abagize uruhare muri Jenoside nta na hamwe bakwiye kubona ubwihisho mu karere kacu. Bagomba kugezwa imbere y’ubutabera. Nyakubahwa Muyobozi, mbere y’uko ndangiza iri jambo, ndagira ngo mvuge yuko nta buryo bwiza bwo kugera ku ntego twihaye,kuruta gushyiraho uburyo bw’imikorere n’ubutwererane hagati y’ibihugu bigize Inama Nkuru y’Umutekano mu karere k’ibiyaga bigari, ku bw’ibyo rero tugomba gukomeza kubikoraho tukabiteza imbere mu gihe duhanganye n’ibibazo byinshi imbere yacu.’’

Inama y’umutekano ku karere k’ibiyaga bigari ihuriyemo ibihugu 12 byo muri aka karere,ikaba yaragiyeho hagamijwe guhosha no gukumira amakimbirane ya hato na hato akunze kugaragara muri aka karere no gutsemba imitwe yitwaje intwaro by’umwihariko.


Jean Pierre KAGABO



Ba uwambere gutanga igitekerezo

Tanga igitekerezo:



RSS FEED

Min. Uwizeye yakiriye umurage Perezida Kagame yahawe n’umubyeyi w’in

Perezida Kagame yakiriye itsinda ry’intumwa ziturutse muri DR Congo

President Kagame meets a delegation from DR Congo

Nyabihu: Iminara bemerewe na Perezida Kagame yabagezeho, itumanaho ryaroroshye

COVID19: Urukingo ni rwo nkingi ikomeye izatuma ubukungu busubira ku murongo - P

Perezida Kagame yasabye urwego rw'ubutabera kurangwa n'ubwangamugayo