AGEZWEHO

  • Ambasaderi Rutabana yagaragaje uko u Rwanda rwaharaniye ubudaheranwa nyuma ya Jenoside – Soma inkuru...
  • Ni igikorwa kigayitse ku Bufaransa- Amb. Anfré avuga ku bakozi babo bishwe muri Jenoside – Soma inkuru...

Nyagatare-Gikoba ibumbatiye amateka y'urugamba rwo kubohora igihugu igiye kubakwa bigezweho

Yanditswe Feb, 01 2023 18:41 PM | 29,630 Views



Ahitwa Gikoba mu karere ka Nyagatare nka hamwe muhabumbatiye amateka y'urugamba rwo kubohora igihugu, hagiye kubakwa bijyanye n'igihe kugira ngo amateka ahabitse arusheho kubungabungwa.

Ibi ni ibyatangajwe ubwo abahagarariye inzego zinyuranye zo mu karere ka Nyagatare zakoraga urugendo shuri rugamije kureba amateka ari mu duce tubumbatiye amateka yo kubohora igihugu.

Ku mupaka wa Kagitumba uhuza u Rwanda na Uganda, taliki ya mbere Ukwakira mu mwaka wa 1990 niho harasiwe isasu rya mbere ritangiza urugamba rwo kubohora igihugu, aha hari ibiti bibiri by'iminyinya ahakorewe Inama y'ingabo za RPF Inkotanyi icyo gihe nyuma yo kwiyambura impeta za Gisirikare bari bambukanye.

Uretse aha, dukomereje i Gikoba Murenge wa Tabagwe ahari indake yahoze ariya Maj General Paul Kagame wari uyoboye urugamba rwo kubohora igihugu, rwaje no kukigeza ku ntsinzi.

Ku ruhande rw'iyi ndake hari intebe ye yicaragaho n'ahandi hicarwagaho n'abari abayobozi bakuru b'ingabo za RPA icyo gihe ubwo babaga bari mu nama igamije gupanga urugamba rwo kubohora igihugu.

Mu rwego rwo gusigasira ayo mateka, niyo mpamvu uyu mwaka w'ingengo y'imari aho i Gikoba, hagiye kubakwa birushijeho nk'uko byatangajwe n'umuyobozi w'Akarere ka Nyagatare, Gasana Stephen.

Abaturiye aha Gikoba mu buhamya bwabo bishimira ibikorwa by'iterambere kuri ubu bagejejweho nyamara mbere ya Jenoside yakorewe Abatutsi ubuyobozi bwariho icyo gihe bwarabangishaka Inkotanyi.

Maurice Ndayambaje 



Ba uwambere gutanga igitekerezo

Tanga igitekerezo:



RSS FEED

U Rwanda na Georgia byemeranyije ubufatanye mu bya politiki na diplomasi

Hashyizweho uburyo bwo kwireba no kwiyimura kuri lisiti y’itora hakoreshej

FERWAFA yanyuzwe n'umusaruro w'Amavubi mu mezi ane ashize

RHA yahumurije abubakishije amakaro yo mu bwogero ku nkuta z’inzu z’

Gakenke: Imirimo yo kubaka Umudugudu w’Icyitegererezo uzatuzwamo abahoze m

Karongi: Inzobere z’abaganga ba RDF zatangiye kuvura abaturage ku buntu

Abamotari batakambye ku biciro by’ubwishingizi birushaho gutumbagira

Rubavu: Abarokotse Jenoside baravuga ko ubuvuzi bahawe na Leta bwatumye bagarura