Yanditswe Jun, 21 2021 17:39 PM | 70,915 Views
Musanze:25 barimo abasirikare batangiye amahugurwa ku kurwanya ihohoterwa rishingiye ku gitsina
Kuri uyu wa Mbere, abasirikare, abapolisi n’abasivili 25 baturutse mu Rwanda batangiye amahugurwa y’icyumweru ku buryo bwo kurwanya ihohoterwa rishingiye ku gitsina, iyo bari hirya no hino ku isi mu butumwa bw’amahoro.
Ni amahugurwa yateguwe n’Ikigo cy’Igihugu cy’Amahoro, Rwanda Peace Academy giherereye mu Karere ka Musanze, ku bufatanye na Leta y’Ubuyapani n’Ishami ry’Umuryango w’Abibumbye ryita ku iterambere UNDP.
Umuyobozi wa Rwanda Peace Academy, Rtd Colonel Jill Rutaremara avuga ko ahantu habaye intambara habamo ihohoterwa, akaba ariyo mpamvu aba barimo guhugurwa baba bagomba kubimenya ngo bashobore kubirwanya.
Intumwa ya Ambasade y’Ubuyapani mu Rwanda, Yuko Hotta avuga ko ihohoterwa rishingiye ku gitsina rigenda rifata intera ndende, akaba ariyo mpamvu leta ye yatanze iyi nkunga ngo itange umusanzu wayo mu kurirwanya.
Bamwe mu bitabiriye aya mahugurwa, bavuga ko bayatezeho byinshi bizabafasha kurwanya iri hohoterwa.
Miliyoni zikabakaba 200 z’amafaranga y’u Rwanda n’andi arimo kuganirwaho na leta y’u Rwanda n’iy’Ubuyapani, ni yo azifashishwa muri aya mahugurwa no mu bindi bikorwa bitandukanye birimo gukumira no gukemura amakimbirane, no kubungabunga amahoro akazakoreshwa mu ngengo y’imari y’umwaka utaha wa 2021/2022.
Uwimana Emmanuel
Musanze: Abaturage barasaba ko amazi y'amakera yabungwabungwa
Jan 06, 2022
Soma inkuru
Basanga isura nshya y’Umujyi wa Musanzi ari ishema ryo kwibohora nyako
Jul 03, 2021
Soma inkuru
Amafoto: Muri Musanze hatashywe Umudugudu watujwemo abaturage wa Miliyari zisaga 20 Frw
Jun 29, 2021
Soma inkuru
Abanyeshuri 32 bo mu bihugu bitanu basoje amasomo mu Ishuri Rikuru rya Polisi riri i Musanze
Jun 25, 2021
Soma inkuru
Abatuye i Musanze baravuga ko batakigorwa no kuboba uburezi bwiza mu mahanga
Jun 10, 2021
Soma inkuru
Abaturage bishimiye isanwa ry’ikiraro cya Giciye cyatwaye miliyoni 247 Frw
May 31, 2021
Soma inkuru