Muri Kigali hatangiye ubukangurambaga busaba abatarikingiza Covid19 kubyitabira

AGEZWEHO

  • Bamwe mu bize amasomo y’uburezi budaheza bavuga ko babuze icyo bakora – Soma inkuru...
  • Ibarura2022: NISR yasoje igikorwa cyo gushyira nimero ku nzu – Soma inkuru...

Muri Kigali hatangiye ubukangurambaga busaba abatarikingiza Covid19 kubyitabira

Yanditswe Jan, 14 2022 18:22 PM | 12,261 Views



Inzego zitandukanye n’abaturage muri rusange, batangaje ko icyemezo leta yafashe cyo gukingira abaturage Covid19 ku rwego rw’umuryango ari icyemezo cy’ingenzi kizatuma buri muturage agerwaho na serivisi yo gukingirwa kandi ku gihe.

Ibi baravivuga mu gihe hakomeje gahunda yo gukingira abaturage mu midugudu no mu tugali twose mu gihugu.

Hirya no hino mu Mujyi wa Kigali, inzego z'ibanze ku rwego rwa buri murenge ku bufatanye n'urubyiruko rw'abakorerabushake, baragenda urugo ku rundi ndetse n'ahahurira abantu benshi nko mu masoko na za gare, babaza umuntu ku wundi niba yarabonye inkingo za Covid 19.   

Ni ubugenzuzi bugamije ubukangurambaga bujyanye no kuganiriza abatarikingiza byuzuye kubikora kugirango badacikanwa.

Bamwe mu baturage, bavuga ko kuba abayobozi bafata umwanya wo kubasanga mu ngo bakabakangurira kwikingiza, bituma nabo badashobora kurebera uwo ariwe wese udashaka kwikingiza.

Abayobozi baraganiriza abaturage, abatarikingiza bakagana site zo gukingira zabegerejwe abafite imbaraga bakijyana, abageze muzabukuru n'abarwayi bakagezwayo n'inzego z'ibanze. 

Bamwe mu banyamabanga nshingwabikorwa b'Imirenge, bavuga ko iyi ari gahunda babona izatanga umusaruro uzatuma u Rwanda rugera ku ntego rwihaye mu gukingira abanyarwanda.

Minisitiri w'Ubutegetsi bw'Igihugu, Jean Marie Vianney Gatabazi ashimira abanyarwanda uburyo bitabira gufata inkingo, akavuga ko kuba abayobozi bagenda urugo ku rundi bigamije kwibutsa no kureba ko haba hari abatarabonye uko bagera aho bakingirirwa kugirango bashakirwe uburyo bakwikingiza biboroheye.

Kugeza ubu nibura millioni 6 z'abanyarwanda kuva ku myaka 12 bamaze gukingirwa urukingo rwa Covid19, intego ni uko kugeza mu kwezi kwa Gatandatu uyu mwaka, 70% by'abanyarwanda bazaba baramaze gukingirwa byuzuye.

Mbabazi Dorothy




Ba uwambere gutanga igitekerezo

Tanga igitekerezo:



RSS FEED

Ababyeyi b'Intwaza muri Rusizi barashimira Perezida Kagame wabubakiye akana

Impuguke mu muco ziranenga imyambarire n’ubusinzi biranga rumwe mu rubyiru

RCS yasezereye mu cyubahiro abakozi b'uru rwego 86 bagiye mu kiruhuko cy&#

BNR yagaragaje ko icyuho hagati y’ibyoherezwa n’ibyo igihugu gitumiz

SENA yatoye umushinga w'itegeko ngenga rigena imicungire y'imari ya le

BNR yazamuye igipimo cy’inyungu iheraho inguzanyo banki z’ubucuruzi