Minisiteri y'Ubuzima iraburira abantu kutihererana ikibazo cy'indwa ya Cancer y'ibere

AGEZWEHO

  • Abasirikare 150 b’Abaholandi bari mu mahugurwa mu Rwanda – Soma inkuru...
  • Ahahoze inkambi y’impunzi ya Gihembe hatangiye gusubiranwa mu rwego rwo kuhabungabunga – Soma inkuru...

Minisiteri y'Ubuzima iraburira abantu kutihererana ikibazo cy'indwa ya Cancer y'ibere

Yanditswe Oct, 12 2021 14:24 PM | 19,402 Views



Minisiteri y'Ubuzima iraburira abantu kutihererana ikibazo cy'indwa ya Cancer y'ibere, kuko abarenga kimwe cya kabiri  cy'abayirwaye bagera ku mavuriro batinze kwitabwaho bikagorana.

Imibare igaragaza ko mu mwaka ushize, abagore 636 bishwe na Cancer y'ibere,  ndetse hakaboneka abantu bashya bayirwaye 1237.

Bamwe mu bagore barwaye cancer y'ibere bavuga ko kuba barabimenye hakiri kare aribyo byatumye bitabwaho, cancer ntikwirakwire mu bindi bice by'umubiri.

Nsabimana Oda avuga ko amaze imyaka 19 avuwe cancer.

Yagize ati “Nagize akantu k'akabyimba ariko sinabyitaho, nyuma numva umuganga avuga ko akenshi utubyimba tuboneka mu ibere dukunda kuba ari cancer, nibwo nagiye kwipimisha nyuma y'amezi 4 igisubizo cyo muri laboratoire cyaje kigaragaza ko ndwaye, gusa iyo kanseri imenyekanye hakiri kare umuntu arakira.”

Ku kigo nderabuzima cya Nyarurenzi, mu murenge wa Mageragere Akarere ka Nyarugenge, abagore bafite imyaka 30 kugeza kuri 49 bitabiriye gusuzumwa Cancer y'ibere n'iy'inkondo y'umura.

Ku bafite Virus itera SIDA ho gusuzuma cancer y'inkondo y'umura byaheraga ku myaka 25, bitewe n'ibyago byinshi baba bafite byo kwandura iyo virus.

Inzego z'ubuzima mu Rwanda zivuga ko cancer y'ibere n'iy'inkondo y'umura zihangayikishije cyane.

Umuyobozi w'ishami ry'indwara zitandura muri RBC, Dr. Francois Uwinkindi asobanura ko mu Rwanda, kimwe cya kabiri cy'abafite Cancer y'ibere bagera ku mavuriro yarabarenze.

Ati “Ikibi cya cancer ni uko irenga cya gice yafatiyeho igakwira mu mubiri hose, iyo tugize amahirwe tukayimenya hakiri kare tubasha kuyivura igakira. Iyo cancer yarenze igice yatangiriyemo, amahirwe yo gukira aba ari hasi kuko kwica uturemangingo twa cancer biragorana. Kwivuza hakiri kare bituma umuntu akira ugakomeza kwiteza imbere no guteza imbere igihugu.”

Minisiteri y'Ubuzima ivuga ko buri mwaka mu Rwanda haboneka abantu barenga ibihumbi 5 bashya barwaye cancer.

Cancer y'inkondo y'umura na Cancer y'ibere byihariye 30% bya Cancer zose ziri mu Rwanda, naho 99% by'abarwara Cancer y'ibere ni abagore.

Mu 2020 abagore 636 bishwe n'iyi Cancer ndetse haboneka abantu bashya bayirwaye 1237, ubu abafite Cancer y'ibere bazwi bakurikiranirwa mu mavuriro ni 2605.

Carine Umutoni




Ba uwambere gutanga igitekerezo

Tanga igitekerezo:



RSS FEED

Urubyiruko ruri muri FPR Inkotanyi rwasabwe kwiga umuco nyarwanda no kurangwa n&

Itsinda ry'Abayobozi bakuru 25 ryaturutse muri Sudani y'Epfo ryasuye i

Ahahoze inkambi y’impunzi ya Gihembe hatangiye gusubiranwa mu rwego rwo ku

Abagenerwabikorwa ba Imbuto Foundation barashimira ibyo umaze kubagezaho mu myak

Humviswe Abofisiye bakuru ba Gendarmerie bakoze amaperereza kuri Muhayimana

Uganda yirukanye Abanyarwanda 30