Minisitiri w’Ubutabera wa Mozambique yavuze ko Jenoside yakorewe Abatutsi ari ubunyamanswa bwakorewe inzirakarengane

Minisitiri w’Ubutabera, kurinda itegeko nshinga n’imyemerere wa Mozambique, Helena Matheus Kida yatangaje ko Jenoside yakorewe Abatutsi ari ubunyamanswa bwakorewe inzirakarengane, isi yose ikwiye guharanira ko ntaho yakongera kuba ukundi.

Uyu muyobozi yabitangaje kuri uyu wa Gatatu, ubwo yatangiraga uruzinduko rw’iminsi 4 mu Rwanda aho aje kureba ibijyanye n’imikorere y’inzego z’ubutabera bw’u Rwanda. 

Uruzinduko rwe rwabanjirijwe no gusura urwibutso rwa Jenoside rwa Kigali ruri ku Gisozi.