Minisitiri w’Intebe yagejeje ijambo ku bitabiriye inama ya Concordia

Minisitiri w’intebe w’u Rwanda Dr Edouard Ngirente yabwiye abitabiriye inama y’umuryango CONCORDIA uharanira iterambere ry’imibereho myiza ku rwego mpuzamahanga, ko u Rwanda rwubakiye ku nkingi eshatu z’ingenzi mu guhangana n’ingaruka za covid-19. Izo nkingi ngo ni ubudatezuka,ubufatanye ndetse no guhanga ibishya.

Minisitiri w’intebe yashimangiye ko Guverinoma y’u Rwanda  ifite intego  y’ibanze yo kurushaho guteza imbere ishoramari mu rwego rw’inganda haba mu rwego rw’ibikenewe imbere mu gihugu n’ibyoherezwa hanze.

Nyuma yo kugaragaza ko urwego rw’abikorera rufite uruhare rukomeye guhangana n’icyorezo cya covid 19 no kuzahura ubukungu by’umwihariko,Minisitiri w’intebe Ngirente Edouard, yagaragaje amahirwe atandukanye ari mu gushora imari mu Rwanda mu nzego zirimo ibikorwa remezo ,ubuhinzi n’Ikoranabuhanga mu rwego by’imari.

Ishami ry’umuryango Concordia muri Afrika ryatangijwe mu nama y’uyu muryango ya 2018 mu rwego kwihutisha,kuzamura,no guteza imbere ubufatanye bw’inzego zitandukanye hagamijwe guteza imbere imibereho y’abatuye Afurika.