Minisitiri Shyaka yasabye abayobozi ba Karongi gukorera hamwe

AGEZWEHO


Minisitiri Shyaka yasabye abayobozi ba Karongi gukorera hamwe

Yanditswe September, 30 2019 at 09:41 AM



Mu ngendo akomeje kugirira mu turere duherutse gutora abayobozi bashya, Minisitiri w’Ubutegetsi bw’Igihugu, Prof Shyaka  Anastase kuri iki cyumweru yasuye akarere ka Karongi. Akaba yatangaje ko ibisubizo ku bibazo gafite bizava mu bufatanye bugomba kuranga abayobozi bashya, Inama Njyanama, abafatanyabikorwa n’abaturage.

Mu biganiro Minisitiri Prof Shyaka  yagiranye n’abayobozi kuva ku mudugudu kugera ku karere ka Karongi, yabasabye kuzamura ubuzima bw’umuturage binyuze mu gukorera hamwe birinda  umuco mubi wari usanzwe muri aka karere wo gutega imitego abayobozi b’akarere kugira ngo bananirwe kuzuza inshingano zabo.

Madamu Mukarutesi Vestine, umaze iminsi mike atorewe kuyobora aka karere ka Karongi, yijeje ko mu byo ashyize imbere harimo guhindura imikorere igamije kuzamura imibereho y’umuturage.

Mu rwego rwo kongera umuvuduko w’aka karere mu iterambere,  bamwe mu bafatanyabikorwa nabo biyemeje kuba umusembura w’impinduka. Uwimana Etienne akaba yemeye inkunga y’amabati 200 yo gukemura ikibazo cy’isakaro ku baturage batishoboye.

Mu bindi ubuyobozi bw’Akarere ka Karongi bwasabwe gushyiramo imbaraga ni ukuzamura ubwiza bw’umujyi wa Karongi, binyuze mu bukerarugendo buhakorerwa.

Inkuru mu mashusho


Fredy RUTERANA



Ba uwambere gutanga igitekerezo

Tanga igitekerezo:



RSS FEED

Musanze: Min. Shyaka yatanze igihe cyo gukemura byinshi mu bibazo by'abatur

Hatangijwe gahunda y'imyaka 5 yo kubakira uboshobozi abayobozi b'inzeg