Minisitiri Ndagijimana yasabye ibihugu bya EAC gufata ingamba zihangana n’ingaruka za Covid19

AGEZWEHO

  • Suede yahaye u Rwanda inkunga ya Miliyari 8 Frw – Soma inkuru...
  • U Rwanda n'u Bushinwa byasinyanye amasezerano akuraho gusoresha kabiri ibicuruzwa – Soma inkuru...

Minisitiri Ndagijimana yasabye ibihugu bya EAC gufata ingamba zihangana n’ingaruka za Covid19

Yanditswe Oct, 27 2021 20:29 PM | 53,111 Views



Mu gihe isi ikomeje guhangana n’ingaruka z’icyorezo cya Covid19, Minisitiri w’imari n’igenamigambi Dr.Uzziel Ndagijimana yasabye ibihugu byo mu Muryango wa Afurika y'Iburasirazuba kugira uburyo n’ingamba zihuriweho, zo gukomeza kurwanya no guhangana n’ingaruka z’icyo cyorezo no kuzahura ubukungu bwasubiye inyuma.

Ibi byagarutseho mu kiganiro n’abanyamakuru nyuma yo gufungura inama y’akanama k’ubukungu bwa Afurika, UNECA ihuza impuguke n’abayobozi bafata ibyemezo muri za leta zibarizwa mu gashami k’ibihugu bya Afurika y’Iburasirazuba, ECA.

Minisitiri Ndagijimana yavuze ko mbere yo gutekereza ku byazamura ishoramari mu bihugu byo mu karere mu rwego rwo kuzahura ubukungu bwazahajwe n’icyorezo cya COVID19, ibihugu byo mu karere bikwiye kunoza ishoramari mu rwego rw’ubuzima mu rwego rwo guhashya iki cyorezo no kuzamura ubwirinzi ku bindi byorezo byazatera.

Yavuze kandi ko ibihugu byo mu karere bikwiye guhuriza hamwe ingamba zibifasha kubyaza umusaruro isoko rusange rya Afurika.

Dr. Mama Keita ukuriye UNECA muri Afurika y’Iburasirazuba yavuze ko ikigenderewe by’umwihariko, ari ukugira uruhererekane rwo kubyaza no kongerera agaciro ubwoko butandukanye bw’ibicuruzwa na serivisi muri ibi bihugu bigera  kuri 14 bibarizwa muri ECA, hashingiwe ku bikenerwa mu masoko yo muri ibyo bihugu no hanze yabyo.

Yavuze ko ibi byose byajyana no guhuza ingamba zijyanye n’umutekano nk’inkingi iganisha ku gukurura ishoramari no kuzamura iterambere ry’ubukungu.

Ruziga Emmanuel Masantura



Ba uwambere gutanga igitekerezo

Tanga igitekerezo:



RSS FEED

Suede yahaye u Rwanda inkunga ya Miliyari 8 Frw

Perezida Kagame yageze i Dar es Salaam muri Tanzania

U Rwanda n'u Bushinwa byasinyanye amasezerano akuraho gusoresha kabiri ibi

Urukiko rw'ikirenga rurasaba abaturage kudatanga ruswa kugirango babone ser

Dr Nsanzimana uyobora RBC yahagaritswe

Dr Ndagijimana yavuze ku izamuka ry’ubukungu ku gipimo cya 10.2% n'uk