AMAFOTO: Minisitiri Gatabazi yatangije iyubakwa ry’ibiro bishya by’Akarere ka Burera

Kuri uyu wa Gatanu, Minisitiri w'Ubutegetsi bw'Igihubu, Jean Marie Vianney Gatabazi yatangije ku mugaragaro ibikorwa byo kubaka ibiro bishya by'Akarere ka Burera.

Ni inyubako itangiye kubakwa mu Murenge wa Rusarabuye igeretse gatatu, bikaba biteganijwe ko izuzura mu gihe cy'imyaka ibiri itwaye asaga miliyari eshatu z’amafaranga y’u Rwanda.

Abaturage baatuye muri aka karere bavuga ko ibiro by'Akarere kabo byari bito ndetse n'inyubako zishaje.

Minisitiri Gatabazi avuga ko kubaka ibiro bishya by'aka karere, bizatuma abaturage barushaho kuhabwa serivisi inoze, kandi ko gahunda yo kuvugurura inyubako uturere dukoreramo izakomeza uko bushobozi buzagenda buboneka.

Akarere ka Burera gakorera mu nzu zahoze zikoreramo icyahoze ari Sous Prefecture ya Kirambo, zari zimaze imyaka isaga 30 zubatswe.