AGEZWEHO

  • Urubyiruko rwasabwe kutajenjeka mu kwirinda SIDA – Soma inkuru...
  • Sena yasabye ko ishyirwa mu bikorwa ry’ibishushanyo mbonera by'imijyi ryihutishwa – Soma inkuru...

Minisitiri Gatabazi yijeje abayobozi batowe kuzongererwa ubumenyi ngo buzuze inshingano

Yanditswe Nov, 22 2021 17:11 PM | 77,247 Views



Kuri uyu wa mbere abayobozi bashya b'uturere batowe barahiriye kwinjira mu kazi ndetse hakorwa n'ihererekanya bubasha hagati yabo na komite icyuye igihe.

 Minisitiri w'ubutegetsi bw'igihugu Gatabazi Jean Marie Vianney avuga  ko bagiye gushyira imbaraga mu kongerera ubumenyi aba bayobozi bashya kugira ngo buzuze inshingano uko babisabwa.

Abaturage nabo bakaba basaba ko ubu buyobozi bwatangiye imirimo bwashyira imbaraga mu kongera ibikorwa remezo kandi umuturage agashyirwa ku isonga.

Ibikorwaremezo birimo amazi, amashanyarazi, imihanda, kunoza imiturire ndetse no kurwanya ibibazo bitandukanye bikibangamiye imibereho y'abaturage biri mubyo abaturage biteze kuri aba bayobozi b'ashya b'uturere.

Habiyambere Nicodem utuye mu karere ka Kamonyi yagize ati "Ikintu tubifuzaho cyane ni amashanyarazi ndetse  no gukwirakwiza hose amazi, n'imihanda."

Abatuye akarere ka Rusizi bavuga ko "Rusizi ihana imbibi n'ibihugu 2 aribyo Congo n'u Burundi, Rusizi dufite isoko rikomeye cyane i Bukavu riremwa n'abakongomani bakenera amatungo natwe dukeneye isoko ry'amatungo, isoko ryo ku Rusizi ni isoko rikomeye aho wasangaga abakongomani bazana amadevise none abanyarwanda bahakoreraga kuri duwane bose bagiye muri Congo turashaka ko icyabajyanye ko twagikora bakagaruka abakongomani bakadukurikira."

Dr Nahayo Sylivere watorewe kuyobora Ngoma yagize ati "Icyo twifuza ni uko ibyo bikorwa byose bizagerwaho ariko tugatekereza ku muturage nk'uko tumaze kubigira umuco, umuturage agomba kuba ku isonga, icyo tuzakora cyose yaba imibereho, iterambere ry'ubukungu, imiyoborere myiza byose tukabikora dutekereza umuturage.''

Minisitiri w'Ubutegetsi bw'igihugu, Gatabazi Jean Marie Vianney avuga  ko bagiye gushyira imbaraga mu kongerera ubumenyi aba bayobozi bashya kugira ngo buzuze inshingano uko babisabwa.

Ati "bafite amashuri, ubumenyi, bafite ubunararibonye, bafite ubuzima hari ibyo bakoze mu mirimo inyuranye y'igihugu ariko bakeneye kubakirwa ubushobozi mu bijyanye n'imiyoborere, imikorere n'imikoranire, bakeneye guherekezwa muri urwo rugendo rw'akazi kabo n'inshingano kugira ngo igihe cyose bari mu kazi ibyo babura mu bumenyi, ubunararibonye, mu buhanga mubikenerwa babihabwe mu buryo bw'amahugurwa n'ibiganiro ariko tukanabibutsa ko badakora bonyine."

Biteganijwe ko aba bayobozi bashya batowe berekeza mu mwiherero mu ntara y'i Burasirazuba kugira ngo bahabwe ubumenyi kubijyanye n'imikorere n'imikoranire n'izindi nzego ndetse n'abaturage.

Jean Paul Turatsinze



Ba uwambere gutanga igitekerezo

Tanga igitekerezo:



RSS FEED

EU yageneye u Rwanda miliyari 20 Frw yo gushyigikira kugarura amahoro muri Cabo

Abaganga bo muri Israel bavuye abarwaye indwara yo kujojoba mu Bitaro bya Ruheng

Amajyepfo: Hari poste de sante zitagikora kubera imikoranire itanoze na RSSB

Rusizi: Hatashywe ibiraro bitatu byo mu kirere

DRC ikomeje kotswa igitutu ngo yemere ibiganiro na M23

Ubuzima: Leta irimo gushaka uko yakongera umubare w'ababyaza n'abavura