Yanditswe Jul, 29 2021 18:35 PM | 31,650 Views
U Rwanda rwasobanuye ko abarushinja gukoresha ikoranabuhanga rya Pegasus mu nzego zarwo z'iperereza ari abagamije inyungu za politiki zirimo guteranya u Rwanda n'ibindi bihugu ndetse no kuryanisha abanyarwanda ubwabo.
Ni mu kiganiro n'abanyamakuru cyagarutse no ku mubano w'u Rwanda n'ibindi bihugu.
Hashize icyumweru kirenga porogaramu yo muri mudasobwa cyangwa se software izwi ku izina rya Pegasus yongeye kurikoroza ku mbuga nkoranyambaga no mu itangazamakuru mpuzamahanga.
Ibihugu bitandukanye birimo n'u Rwanda byavuzweho gukoresha Pegasus mu rwego rw'iperereza, aho iyi software ngo yinjijwe muri telefoni z'abantu banyuranye batabizi ikazajya ikusanya amakuru ikayaha inzego z'ubutasi.
Minisitiri w'Ububanyi n'Amahanga n'Ubutwererane Dr. Vincent Birura avuga ko iyi ari inshuro ya 2 u Rwanda rushinjwa gukoresha Pegasus, gusa ngo ababikora muri iki gihe bafite izindi mpamvu zirimo n'izifitanye isano n'urubanza rwa Paul Rusesabagina.
Minisitiri Biruta avuga kandi ko mu bindi byihishe inyuma y'ayo makuru harimo gushaka kuryanisha Abanyarwanda kimwe no guteranya igihugu n'amahanga.
Abajijwe ku mubano w'u Rwanda na bimwe mu bihugu by'ibituranyi, Minisitiri Biruta yavuze ko n'ubwo hari ibigikenewe gukorwa, umubano n'u Burundi ugana aheza nyuma y'uruzinduko rwa mMinisitiri w'intebe Dr. Edouard Nngirente i Bujumbura mu ntangiriro z'uku kwezi kwa karindwi.
Ati "Dukomeje ibiganiro na Guverinoma y'u Burundi, gusa dushoboa kuvuga ko hari intambwe imaze guterwa kandi twizeye ko hari izindi zizakurikira uruzinduko Minisitiri w'Intebe yagiriye mu Burundi. Ku mubano na Uganda navuga ko nta kigaragara cyahindutse ariko guverinoma y'u Rwanda yiteguye kugarura umubano mwiza n'abaturanyi bacu bose barimo na Uganda."
Mu zindi ngingo zagarutsweho, harimo ijyanye n'amasezerano y'u Rwanda na Danemark arebana n'impunzi n'abimukira. Hagaragajwe ko muri ayo masezerano hatarimo ingingo y’uko abantu baba muri icyo gihugu mu buryo bunyuranyije n’amategeko bagiye kujya boherezwa mu Rwanda nk'uko byagiye bihwihwiswa.
Divin UWAYO
Ubuhamya bw'abakinnyi barokowe na Siporo muri Jenoside yakorewe Abatutsi
Apr 19, 2024
Soma inkuru
REG BBC yisubije Thomas Cleveland Jr
Jan 19, 2024
Soma inkuru
Oscar Pistorius yafunguwe nyuma y'imyaka 11 ishize yishe uwari umukunzi we
Jan 05, 2024
Soma inkuru
Jurrien Timber myugariro wa Arsenal ari mu Rwanda muri Gahunda ya Visit Rwanda
Dec 14, 2023
Soma inkuru
Twitege iki kuri Tour du Rwanda 2024?
Nov 09, 2023
Soma inkuru
Amagare: FERWACY yabonye abayobozi bashya
Nov 05, 2023
Soma inkuru
Perezida Kagame yakiriye abegukanye ibihembo bya Trace Awards 2023
Oct 22, 2023
Soma inkuru
Car Free Day: Umujyi wa Kigali washimiwe kugira ibikorwaremezo byorohereza abagenda n'amaguru
Oct 15, 2023
Soma inkuru