Minisitiri Biruta yasuye ingabo z’u Rwanda ziri muri Centrafrique

AGEZWEHO

  • Akarere ka Gisagara kagiye guha amabati asaga 200 abatuye bahuye n’ibiza – Soma inkuru...
  • Ibigo 3 by’ubwishingizi mu buvuzi ntibivuga rumwe n’ihuriro ry’amavuriro yigenga – Soma inkuru...

Minisitiri Biruta yasuye ingabo z’u Rwanda ziri muri Centrafrique

Yanditswe Jan, 14 2022 21:22 PM | 16,846 Views



Minisitiri w’Ububanyi n’Amahanga, Vincent Biruta yasuye ingabo z’u Rwanda ziri muri Centrafrique, azishyikiriza ubutumwa bwa Perezida Kagame bwo kuzifuriza umwaka mushya muhire no kuzishimira ubwitange zikomeje kugaragaza mu kazi zirimo.

Muri uru ruzinduko, Minisitiri Biruta yari kumwe na Brig Gen Vincent Nyakarundi ushinzwe ubutasi muri RDF.

Muri uru ruzinduko, Minisitiri Biruta yagejeje kuri aba basirikare ubutumwa bwa Perezida wa Repubulika Paul Kagame, akaba n’Umugaba w’Ikirenga w’Ingabo z’u Rwanda bubifuriza umwaka mushya muhire no kubashimira ko buzuza inshingano zabo no kurangwa n’ikinyabupfura no gukora kinyamwuga.

Minisitiri Biruta yagejeje kuri izi ngabo uko umutekano wifashe mu gihugu, ndetse n’imbaraga igihugu cyashyize mu guhangana na Covid19, harimo no gutanga inkingo ku baturage.

Yanabagejejeho uko umubano n’ibihugu bituranyi wifashe.

Brig Gen Nyakarundi yasabye aba basirikare gukomeza guharanira gusohoza neza inshingano zabo.

Kugeza ubu u Rwanda nicyo gihugu gitanga ingabo nyinshi ziri mu butumwa bwa Loni bwo kubungabunga amahoro muri Centrafrique.


James Habimana




Ba uwambere gutanga igitekerezo

Tanga igitekerezo:



RSS FEED

Akarere ka Gisagara kagiye guha amabati asaga 200 abatuye bahuye n’ibiza

Ibigo 3 by’ubwishingizi mu buvuzi ntibivuga rumwe n’ihuriro ry&rsquo

Imvura yateje ibiza muri Rubavu yishe umuturage isenya n’inzu

Umuvugizi wungirije wa Guverinoma y’u Rwanda yavuze ku ruzinduko rwa Gen K

Akarere ka Nyagatare kahagurukiye ababyeyi bashyira abana mu mirimo ibatesha ish

Perezida Nyusi yasuye inzego z'umutekano z'u Rwanda na Mozambique