Minisitiri Vincent Biruta ari muri Turukiya

Minisitiri w’Ububanyi n’Amahanga w’u Rwanda, Dr Vincent Biruta uri mu ruzinduko rw’akazi mu gihugu cya Turukiya, we na mugenzi we wa Turukiya Mevlüt Çavuşoğlu basinye amasezerano y’ubufatanye mu bijyanye n’uburezi, inganda na siporo.

Uru ruzinduko rw’akazi muri Turukiya, rugamije gushimangira umubano mwiza ibihugu byombi bisanzwe bifitanye.

U Rwanda na Turukiya bisanzwe bifitanye imikoranire mu nzego zitandukanye zirimo n’iz’umutekano.

Muri Werurwe 2020, Polisi y’u Rwanda na Polisi ya Turukiya bemeranyije gukomeza gushimangira ubufatanye mu nzego zitandukanye by’umwihariko mu kubaka ubushobozi.