Mineduc yiyemeje gukemura burundu ibibazo bikigaragara muri gahunda yo kugaburira abana ku mashuri

AGEZWEHO

  • Akarere ka Gisagara kagiye guha amabati asaga 200 abatuye bahuye n’ibiza – Soma inkuru...
  • Ibigo 3 by’ubwishingizi mu buvuzi ntibivuga rumwe n’ihuriro ry’amavuriro yigenga – Soma inkuru...

Mineduc yiyemeje gukemura burundu ibibazo bikigaragara muri gahunda yo kugaburira abana ku mashuri

Yanditswe Dec, 15 2021 19:15 PM | 59,487 Views



Minisiteri y'Uburezi yatangaje ko ibibazo bikigaragara muri gahunda yo kugaburira abana ku mashuri, bizaba byakemutse mu gihembwe cya kabiri cy’uyu mwaka w’amashuri.

Muri uyu mwaka w’amashuri gahunda yo kugaburira abana ku mashuri yaragutse maze igera no mu mashuri abanza nyuma y’uko muri 2019 yari yatangiriye mu yisumbuye gusa.

Minisitiri w'Uburezi, Dr. Uwamariya Valentine yavuze ko mu nzitizi iyi gahunda yahuye nazo, ni uko muri uyu mwaka yagenewe ingengo y’imari idahagije.

Ibi bikubiye mu bisobanuro yahaye abadepite bagize komisiyo y'ubumwe bw'abanyarwanda, uburenganzira bwa muntu no kurwanya jenoside. 

Ni ibibazo byagaragajwe na komisiyo y’igihugu y’uburenganzira bwa muntu kuri gahunda yo kugaburira abana nyuma yo kuyikoraho ubugenzuzi.

Uretse uruhare rwa leta, komisiyo y’igihugu y’uburenganzira bwa muntu yasanze n’ababyeyi batubahiriza inshingano zabo uko bikwiye.

Minisitiri w’ubutegetsi bw’igihugu , Gatabazi Jean Marie Vianney avuga ko gushyiraho komite ishinzwe gahunda yo kugaburira abana ku mashuri, kuri buri shuri ari kimwe mu byitezweho gutanga ibisubizo.

Kugeza ubu abana bo mu mashuri abanza n’ayisumbuye basaga miliyoni 3.6 nibo bagomba kugaburirwa ku mashuri.


Divin Uwayo



Ba uwambere gutanga igitekerezo

Tanga igitekerezo:



RSS FEED

Akarere ka Gisagara kagiye guha amabati asaga 200 abatuye bahuye n’ibiza

Ibigo 3 by’ubwishingizi mu buvuzi ntibivuga rumwe n’ihuriro ry&rsquo

Imvura yateje ibiza muri Rubavu yishe umuturage isenya n’inzu

Umuvugizi wungirije wa Guverinoma y’u Rwanda yavuze ku ruzinduko rwa Gen K

Akarere ka Nyagatare kahagurukiye ababyeyi bashyira abana mu mirimo ibatesha ish

Perezida Nyusi yasuye inzego z'umutekano z'u Rwanda na Mozambique