AGEZWEHO

  • Minisiteri y'Ibidukikije yahagurukiye ikibazo cy’imiswa yangiza imyaka n’ibiti mu Ntara y'Iburasirazuba – Soma inkuru...
  • MINALOC yasabye abayobozi b'inzego z'ibanze baherutse gutorwa kwirinda kwegura no kweguzwa – Soma inkuru...

MINICOM iravuga ko ikiguzi cy'ubwikorezi ari imwe mu mpamvu yateye itumbagira ry'ibiciro

Yanditswe Sep, 16 2022 16:22 PM | 148,397 Views



Abacuruzi n'abaguzi baravuga ko hakenewe izindi mbaraga zisumbuyeho mu rwego rw'ubuhinzi bwahaza isoko ry’imbere mu gihugu, bitewe n’izamua rya hato na hato ry’ibiciro by’umwihariko ibikomoka ku buhinzi n’ubworozi.

Abaguzi n’abagurusha ku masoko atandukanye y’u Rwanda bakomeje kugaraza ko batewe inkeke n’izamuka rya hato na hato ry’ibiciro, by’umwihariko ngo basanga hari ibikwiye gukorwa ngo igihugu kirusheho kwihaza mu  bikomoka ku buzinzi n’ubworozi, ubu nabyo bikomeje kugenda bizamura ibiciro umunsi ku wundi.

Uwitwa Uwase Mediatrice yagize ati "Ibirayi byaguraga 200 cyangwa 180 ubu bigeze kuri 500, umuhinzi akorera amafaranga 1000 ubwo ni ukuvuga ko  tumenyereye kurya rimwe ku munsi kuko ibiryo byarazamutse. Umuceri wo si bamwe gusa nanjye simperuka kuwurya ubu ngiye kugeza amezi nka 5 ntarya umuceri."

Ibi kandi binashimangirwa n'umunyamabanga nshingabikorwa w'umuryango uharanira uburenganzira bw'abaguzi mu Rwanda, ADECOR, Damien Ndizeye aho agaragaza bimwe mu bibazo bishobora kuzamukira muri iri zamuka ry'ibiciro harimo kuba n'ubukungu bw'igihugu bwahatikirira, agasanga leta yagafashe ingamba zirimo no gufasha abahinzi kugeza umusaruro wabo ku isoko ndetse ikanagena ibiciro.

"Ikigaragara ni uko muri iyi minsi hongeye kuba izamuka ry'ibiciro ku buryo umuceri wongeye kuzamuka, amavuta yazamutse, isabune yazamutse bisaba ko hakorwa ubuvugizi ndetse na Leta ikagira icyo ikora kugirango ibiciro bidakomeza kuzamuka ahubwo hakabaho ingamba kugira ngo bimanuke. Murabona ko n'ikirayi cyavuye ku mafaranga 250 ubu kigeze ku mafaranga 500, byikubye 2 amavuta ni uko, umuceri ni uko, ese ni iki cyakorwa kugira ngo ibiciro bimanuke abaguze bashobore kwigurira ibyo kurya ndetse babe banagira ubuzima bwiza."

Ministeri y'ubucuruzi n'inganda yo igaragaza ikiguzi cy'ubwikorezi nk'imwe mu mpamvu yateye itumbagira ry'ibiciro ku isoko.

Umuyobozi ushinzwe ubucuruzi muri iyi ministeri, Cassien Karangwa yagize ati "Kubirayi umusaruro uhari ni muke cyane, ubwikorezi nabwo urabizi ko ikiguzi cyazamutse nibyo byabiteye nta kindi, hari ubugenzuzi twatangiye mu Majyaruguru no mu Mujyi wa Kigali, uyu ni umunsi wa gatatu, ariko dufite ubugenzuzi buzamara amezi abiri dukurikirana uko ibiciro bimeze ku isoko, no kugerageza kureba uko bitakomeza kuzamuka bityo aho dusanze bikabije abantu bakaba bafatirwa ingamba, nkubu nko mu bugenzuzi twakoze hamaze guhanwa abacuruzi bagera kuri 14, bahanishijwe amande agera kuri 2,500,000Frw mu iriyi minsi ibiri ishize."

Imibare iheruka y'ikigo cy'igihugu cy'ibarurisha mibare yagaragaje igipimo cy'ihindagurika ry'ibiciro mu kwezi gushize kwa Kanama 2022, aho igaragaza ko ibiciro mu mijyi byiyongereyeho 15.9% ugereranyije na Kanama 2021, ni mu gihe kandi izamuka ry'ibiciro mu byaro ryiyongereye ku kigero cya 23.6% ugereranyije n'umwaka ushize.



Ba uwambere gutanga igitekerezo

Tanga igitekerezo:



RSS FEED

Minisiteri y'Ibidukikije yahagurukiye ikibazo cy’imiswa yangiza imyak

MINALOC yasabye abayobozi b'inzego z'ibanze baherutse gutorwa kwirinda

Imibare y'abanyeshuri bava mu mashuri yigenga bakajya mu mashuri ya Leta ik

Nibona nk'umwana wavukiye mu Rwanda kuko nasubiye ku ibere - Uwavuye muri L

U Rwanda na Singapore byiyemeje kurushaho guteza imbere ubutwererane hagati yaby

Amashuri yongeye gufungura imiryango muri Cabo Delgado