Yanditswe Nov, 15 2017 13:56 PM | 6,944 Views
Minisiteri y'imari n'igenamigambi iravuga ko yatanze amabwiriza ku turere yo guhangana n'ikibazo cya barwiyemeza mirimo bahabwa amasoko ya leta yo kubaka no gushyira mu bikorwa gahunda zitandukanye bakambura abaturage.
Aya mabwiriza ateganya ko mbere y'uko rwiyemezamirimo yishyurwa n'akarere amafaranga ye yose bagomba kubanza kureba niba nta myenda afitiye abaturage cyangwa afitiye urundi rwego, naho rwiyemezamirimo udafite isoko rya leta inzego z'ibanze zikaba zigomba gusuzuma niba yarubahirije amasezerano.
Ibi byatangajwe ubwo minisitiri w'imari n'igenamigambi amb. Claver GATETE yatangaga ibisobanuro ku badepite bagize komisiyo ishinzwe politiki uburinganire n'ubwuzuzanye mu nteko ishinga amategeko, ku bibazo byagaragaye muri raporo y'ibikorwa by'urwego rw'umuvunyi ya 2016-2017.
Ibibazo byabajijwe iyi minisiteri ni imyenda ba rwiyemeza mirimo baba barakoresheje abaturage bakabambura cyangwa bagatinda kubishyura, ikibazo cy'imisanzu y'ubwiteganyirize bw'abakozi badatangirwa na RSSB cyangwa ababyeyi bakoreraga leta bakitaba Imana, imiryango ntihabwe amafaranga biteganyirije muri RSSB.
Mu rwego rwo kwifurizanya umwaka mushya muhire hagati y'abanyamakuru bakunzwe ba RBA
Jan 04, 2016
Soma inkuru