Kigali: Abadiplomate barenze ku mategeko bagatabara Abayahudi bicwaga bazibukwa

Kuri uyu wa mbere ingoro ndangamurage n’amateka yitiriwe Richard Kandt, ku bufatanye na Ambasade y’ ubudage n’iya Israel bazamurika bimwe mu bikorwa byaranze abadipolomate mu gihe cy’intambara ya 2 y’isi, ubwo Abayahudi bakorerwaga Jenoside abo badipolomate bakagaragagaza ubutwari, yewe ndetse bamwe bakanarenga ku mategeko agenga ibihugu bari bahagarariye icyo gihe, bagerageza gukiza abahigwaga.

Muri abo badipolomate bazibukwa banahabwa icyubahiro kubera kurenga ku nshingano bari bafite bagatabara abantu, harimo 9 bagaragara mu nzu ndangamateka yitiriwe Kandt bakomoka mu bihugu birimo Ubwongereza, Ubuyapani, Ubudage, Espanye, Swede, Peru, Turikiya, n’ Icyahoze ari Czechoslovakia.