Iterambere nyaryo rihera mu myumvire-Perezida Kagame

AGEZWEHO


Iterambere nyaryo rihera mu myumvire-Perezida Kagame

Yanditswe May, 17 2016 at 18:19 PM



Mu murenge wa Mubuga mu Karere ka Karongi,kuri uyu wa kabiri Perezida Paul Kagame yatangaje ko iterambere nyaryo  rihera mu myumvire kandi kurigeraho bigashingira ku murimo unoze.

Ku kibuga cy'umupira cya Karora murenge wa Mubuga,niho abaturage b'akarere ka Karongi bakiriye Perezida Kagame . Hari hashize umwaka umukuru w’igihugu asuye aka karere akaba yari agarutse nk’uko yari yabisezeranyije ubwo yakirirwaga mu murenge wa Birambo muri Kamena umwaka ushize.

Perezida Kagame yagaragaje umurimo unoze nk'imbarutso y'iterambere kandi ashimangira ko iterambere rihera  mu guhindura imyumvire.

Yagize ati :“… Imikorere, ubwumvikane, n'imikoranire y'abaturage n'inzego zitandukanye bigira uruhare mu iterambere. Tugomba kugira umuco wo gukora, tugakora ibidufitiye inyungu…”

Abaturage ibihumbi bari baje kumwakira bagaragaje Perezida Kagame nk'umukuru w'igihugu ufite umwihariko mu kwegera abaturage,kumva ibyifuzo byabo no guharanira iterembere  ryabo nta vangura.

Mu ijambo ry’umukuru w’igihugu hakubiyemo ibisubizo by’ibibazo abatuye aka karere bari bamutegerejeho.Harimo gukomeza kubagezaho ingufu z’amashanyarazi no gukomeza kugabanya ubukene.

Akarere ka Karongi gatuwe n'abaturage basaga  ibihumbi magana 330. Mu  2011 abari munsi y'umurongo w'ubukene bari 39 % umubare waje kugabanuka bakagera kuri 21% muri 2015. Ni akerere kaberanye n'ubukerarugendo ku buryo gakeneye imihanda mu mujyi wako.

Mu byo abatuye akarere bishimira harimo ibikorwa remezo bikomeye bibarirwa mu gaciro k'amamiliyari birimo uruganda rukora amashanyarazi , muri gaz methane ,umuhanda wa kaburimbo unyura ku nkengero  z'ikiyaga cya Kivu,hamwe na gahunda zitandukanye zigamije kuzamura imibereho y’abaturage.




Neretse Jean

ibyo umuyobozi wacu atubwira nibyiza koko ubukene ni mumutwe! May 17, 2016 at 18:43 PM


Tanga igitekerezo:



RSS FEED

AMAFOTO: Perezida Kagame yitabiriye irahira rya Perezida Filipe Nyusi wa Mozambi

Perezida Kagame yagaragarije amahanga imabaraga z’u Rwanda mu kubungabunga

Madamu Jeannette Kagame asanga Abanyarwanda bakwiye gushimira Imana kuba yararin

Madamu Jeannette Kagame yasabye Abanyarwanda gusubira mu mateka bakavomamo indan

Qatar Armed Forces Chief of Staff visits Rwanda

Umugaba Mukuru w’Ingabo za Qatar yasuye u Rwanda