Yanditswe Feb, 14 2020 09:40 AM | 4,894 Views
Ku nshuro ya 3 intumwa
z'ibihugu by'u Rwanda na Uganda zongeye guhurira i Kigali mu nama igamije
gushakira umuti igitotsi kiri mu mubano w'ibihugu byombi.
Ni inama yibanda ku gusuzuma aho impande zombi zigeze zubahiriza ibikubiye mu masezerano ya Luanda agamije kurarura umubano mwiza hagati y'ibihugu byombi.
Iyi nama kandi yanitabiriwe n'intumwa z'ibihugu by'ibihuza muri iki kibazo, ari byo Angola ndetse na Repubulika ya Demokarasi ya Congo.
Intumwa z'u Rwanda muri ibi biganiro ziyobowe n'umunyamabanga wa Leta muri Minisiteri y'Ububanyi n'Amahanga Amb. Olivier Nduhungirehe mu gihe intumwa za Uganda ziyobowe na Minisitiri w'Ububanyi n'Amahanga Sam Kutesa.
Ku ruhande rw'ibihugu by'ibihuza, intumwa z'igihugu cya Angola ziyobowe na Minisitiri w'ububanyi n'Amahanga Hon. Manuel Domingos Augusto, mu gihe iza Repubulika ya Demokarasi ya Congo ziyobowe na Minisitiri w'Intebe wungirije ushinzwe umutekano Hon Gilbert Kankonde Malamba.
Biteganyijwe ko ibiganiro hagati y'impande zombi bibera mu muhezo mbere y'uko abahagarariye intumwa z'ibihugu by'u Rwanda na Uganda bagirana ikiganiro n'abanyamakuru.
Inama y'uyu munsi ije ikurikira ebyiri zayibanjirije zombi zabaye mu mwaka ushize wa 2019, zirimo iyabereye i Kigali muri Nzeri n'iyabereye I Kampala mu Ukuboza.
Ni mu gihe kandi habura icyumweru kimwe gusa ngo abakuru b'ibihugu byombi nabo baganire kuri iki kibazo mu nama izabahuriza I Gatuna ku mupaka w'ibihugu bombi tariki 21 z'uku kwezi.
Perezida Kagame yasobanuye uko Abanyarwanda bigobotoye imyumvire yo gutegera amaboko amahanga
Apr 19, 2024
Soma inkuru
U Rwanda na Georgia byemeranyije ubufatanye mu bya politiki na diplomasi
Apr 17, 2024
Soma inkuru
Hashyizweho uburyo bwo kwireba no kwiyimura kuri lisiti y’itora hakoreshejwe ikoranabuhanga
Apr 17, 2024
Soma inkuru
FERWAFA yanyuzwe n'umusaruro w'Amavubi mu mezi ane ashize
Apr 17, 2024
Soma inkuru
RHA yahumurije abubakishije amakaro yo mu bwogero ku nkuta z’inzu z’ubucuruzi
Apr 17, 2024
Soma inkuru
Gakenke: Imirimo yo kubaka Umudugudu w’Icyitegererezo uzatuzwamo abahoze mu manegeka irarimban ...
Apr 17, 2024
Soma inkuru
Karongi: Inzobere z’abaganga ba RDF zatangiye kuvura abaturage ku buntu
Apr 16, 2024
Soma inkuru
Abamotari batakambye ku biciro by’ubwishingizi birushaho gutumbagira
Apr 16, 2024
Soma inkuru