Intara y’Iburasirazuba yahagurukiye abangiza ingomero z’amazi

AGEZWEHO

  • Imishinga 4 y’urubyiruko igiye guhabwa igishoro cya miliyoni 10 Frw – Soma inkuru...
  • Suede yahaye u Rwanda inkunga ya Miliyari 8 Frw – Soma inkuru...

Intara y’Iburasirazuba yahagurukiye abangiza ingomero z’amazi

Yanditswe Oct, 31 2021 09:50 AM | 51,835 Views



Ubuyobozi bw'Intara y'Iburasirazuba bwavuze ko butazihanganira abangiza ibikorwa remezo bifasha aborozi kubona amazi yo kuhira inka, ni nyuma y'aho hagaragaye aya makosa ku bantu bamwe barimo n’abashinzwe gucunga ibyo bikorwaremezo. 

Urwego rw'igihugu rw’ubugenzacyaha, RIB rwo ruvuga ko kwangiza ayo mazi bishobora gukururira ababikora ibihano bikomeye birimo  no gufungwa imyaka irindwi.

Mu Kagari ka Ndama mu Murenge wa Karangazi, ahari urugomero rw’amazi rufasha aborozi kubona amazi ni rumwe mu ngomero z’amazi bigaragara ko yangiritse biturutse mu gucika k’uruzitiro rwatumaga Inka zitarurenga ngo zangize amazi, kuko zubakiwe ibibumbiro ariko bikaba bidakoreshwa nk’uko bikwiye. 

Ni ikibazo kigaragara cyane mu Murenge wa Karangazi, nyamara harashyizweho abashinzwe kubigenzura. 

Muri aba barimo uwitwa Nyakarundi unengwa n’inzego z’ubuyobozi kutubahiriza inshingano ze uko bikwiye.

Bamwe mu borozi nabo bavuga ko aya mariba yangijwe nanone n’abakora umwuga w’uburobyi, n’ubwo ngo nabo ubwabo atari shyashya, gusa ngo bagiye kwikosora.

Guverineri w'Intara y'Iburasirazuba Gasana Emmanuel, avuga ko aborozi bahawe ukwezi kumwe ko kuba batunganyije ibyo bangije.  

Urwego rw’igihugu rw'ubugenzacyaha, RIB rutangaza ko ibikorwa n’abaturage bangiza amazi ari bimwe mu bigize icyaha gishobora no gutuma ugikoze mu gihe yagihamijwe n'urukiko, bimuviramo gufungwa imyaka irihagati y’itatu n’itanu n’amande ya miliyoni eshanu bityo abangiza amariba ngo bakwiye kubireka.

Maurice Ndayambaje



Ba uwambere gutanga igitekerezo

Tanga igitekerezo:



RSS FEED

Imishinga 4 y’urubyiruko igiye guhabwa igishoro cya miliyoni 10 Frw

Suede yahaye u Rwanda inkunga ya Miliyari 8 Frw

Perezida Kagame yageze i Dar es Salaam muri Tanzania

U Rwanda n'u Bushinwa byasinyanye amasezerano akuraho gusoresha kabiri ibi

Urukiko rw'ikirenga rurasaba abaturage kudatanga ruswa kugirango babone ser

Dr Nsanzimana uyobora RBC yahagaritswe