Yanditswe Feb, 13 2021 09:19 AM | 37,822 Views
Umuhanda wa Kivu Belt wafunzwe n'inkangu yawibasiye guhera mu gitondo cyo kuri uyu wa gatanu igice cyawo kiri mu karere ka Karongi. Ikigo
cy’igihugu gishinzwe iterambere ry’ubwikorezi RTDA cyavuze ko uzaba nyabagendwa
nibura ku wa mbere w’icyumweru gitaha.
Iyi nkangu yabereye mu kagari ka Ngoma, umurenge wa Gishyita ahazwi nko kuri Dawe uri mu ijuru hafi y’urugabano rwa Karongi na Nyamasheke.
Igitengu cyamanutse kiwujyamo gifunga nka metero 100 ku buryo yaba ibinyabiziga cg abanyamaguru nta cyabona inzira. Urujya n’uruza rwahise ruhagarara.
Mu masaha ya ku manywa,iyi nkangu yari ikimanuka. Haruguru byagwaga mu muhanda ariko no munsi y’umuhanda na ho ubutaka bukagenda.Ni igihombo ku baturage bakoresha uyu muhanda.
Mu gukora ubutabazi bwihuse hahise hagezwa imashini igerageza gukuraho igitaka ariko byagaragaraga ko imwe idahagije ukurikije uko inkangu imeze.
Ikigo cy’igihugu gishinzwe iterambere ry’ubwikorezi RTDA cyavuze ko uzaba nyabagendwa nibura ku wa mbere w’icyumweru gitaha.
Abakoresha uyu muhanda wa Kivu Belt unyuze i Karongi basabwe kuba bakoresha uwa Nyungwe mu gihe uyu ugikorwa.
<iframe width="560" height="315" src="https://www.youtube.com/embed/mttWfpygWSI" frameborder="0" allow="accelerometer; autoplay; clipboard-write; encrypted-media; gyroscope; picture-in-picture" allowfullscreen></iframe>
Abasaga 200 bategerejwe i Kigali mu Iserukiramuco ‘Kigali Triennial’
Feb 12, 2024
Soma inkuru
Art Rwanda yatumye hahangwa imirimo 400 mu myaka 2
May 15, 2023
Soma inkuru