Amafoto: Ingabo z’u Rwanda zishe inyeshyamba 2 za FLN zateye u Rwanda

Ingabo z'u Rwanda zishe inyeshyamba 2 z'umutwe w'iterabwoba wa FLN zaraye zigabye igitero mu Karere ka Rusizi mu Murenge wa Bweyeye. Izi nyeshyamba zikaba zari ziturutse muri Komine Mabayi mu #Burundi.

Ni igitero cyabaye mu masaha ya saa tatu z'ijoro zo kuri iki Cyumweru, aho izi nyeshyamba zaturutse i Burundi zikambuka umugezi wa Ruhwa zikagera mu Murenge wa Bweyeye mu Karere ka Rusizi.

 Itangazo ryasohowen'Ingabo z'u Rwanda mu gitondo cyo kuri uyu wa Mbere rivuga ko hagati ya saa tatu n'iminota 15 na saa tatu n'iminota 35 baturutse ahitwa Giturashyamba muri komini Mabayi bambuka umugezi wa Ruhwa bahita basakirana n'ingabo z'u Rwanda zikorera mu karere ka Rusizi ku ruhande rw'Umurenge wa Bweyeye.

Mu mirwano yamaze iminota igera kuri 20, abarwanyi 2 bahasize ubuzima abandi bacika basubira hakurya. Ingabo z'u Rwanda andi zafashe ibikoresho bya gisirikare birimo imbunda imwe yo mu bwoko bwa AK 47, magazine z'amasusu zigera kuri 7, gerenade yo mu bwoko bwa tortoise, imyambaro 2 y'igisirikare cy'u Burundi ndetse na antene y'icyombo gikoreshwa mu itumanaho rya gisirikare.