Imyitwarire itubahiriza amabwiriza ikomeje gutiza umurindi ikwirakwira rya COVID19

AGEZWEHO

  • Abaturage bari baratinze kwikingiza Covid19 bavuze ko bagize impungenge zidafite ishingiro – Soma inkuru...
  • Abanyamuryango ba Koperative COPCOM barishimira icyemezo cy'urukiko rwahamije icyaha abanyereje umutungo wayo – Soma inkuru...

Imyitwarire itubahiriza amabwiriza ikomeje gutiza umurindi ikwirakwira rya COVID19

Yanditswe Jan, 08 2022 19:20 PM | 17,510 Views



Bamwe mu baturage bavuga ko abantu bumva ko barwaye covid 19 bataremba cyangea ngo bicwe na yo, bakwiye  guhindura imyumvire  n'imyitwarire  bagashyira imbaraga mu kwirinda no kurinda abandi.

Minisiteri y'Ubuzima igaragaza ko abantu  75 ari bo bashyizwe mu bitaro mu minsi 7 ishize nyuma yo kwandura Covid 19.

Ku wa Gatanu honyine  abantu 22 ni bo bashyizwe mu bitaro.

Muri abo bose bari mu bitaro,8 muri bo bararembye nkuko bitangazwa n' inzego z'ubuzima.

Bamwe mu rubyiruko banenga imyitwarire  y'abakomeje gusuzugura icyorezo biganjemo abakiri bato.

Ku ruhande rw'abageze mu zabukuru  barimo abarwaye indwara zidakira  bavuga ko bashima imbaraga  yashyize mu kubonera inkingo ibyiciro byose by'abaturage  bituma n'abandura bagira icyizere ko bataremba.

Bavuga ko nyuma yo guhabwa inkingo zose zisabwa bakomeje ingamba zo kwirinda icyorezo, ibintu bavuga ko bikwiye kuba inshingano ya buri wese.

Umuyobozi w'ishami ryo kurinda no gukumira indwara muri RBC Dr. Albert Tuyishime avuga ko abantu bakwiye kumva ko icyorezo cya Covid 19 cyongereye ubukana kandi kikaba gikomeje guhitana ubuzima bw' abantu.

Yagize ati "Mu bitaba Imana, abenshi iyo turebye dusanga bari bafite ubundi burwayi butandukanye,iyo covid igeze ku muntu ufite uburwayi buca umubiri we intege hari igihe aremba cyangwa se akitaba Imana.Tudakajije ingamba umubare w' abagaragaweho n'iyi virus ushobora kwiyongera kandi si byo twifuza kuko byadutera ibyago byo kugira abaremba benshi n'abapfa."

Mu minsi 7 ishize, Minisiteri y'Ubuzima igaragaza ko abantu 17 ari bo bapfuye bazize Covid 19.

Mu bandura bashya buri munsi, umubare munini bagaragaza ibimenyetso, hakaba hari abarenga ibihumbi 10 barwariye Covid 19 mu ngo.

Carine UMUTONI



Ba uwambere gutanga igitekerezo

Tanga igitekerezo:



RSS FEED

Abarenga miliyoni 1,5 bagiye gukingirwa COVID19

Bamwe mu bari baranze kwikingiza COVID19 bahinduye imyumvire

Rwandair yongeye gutwara imizigo iva Dubai

Abarenga ibihumbi 10 barwariye mu ngo mu Rwanda

Karongi: Bari barabwiwe ko nibikingiza Covid 19 bazayobozwa telecomande

U Rwanda rurakataje mu ikoranabuhanga mu guhangana na COVID19