Imyaka isaga 4 irashize isoko mpuzamipaka rya Cyanika ridakorerwamo

Imyaka isaga 4 irashize isoko mpuzamipaka rya Cyanika ridakorerwamo icyo ryubakiwe, ubu ririmo abacuruzi bane gusa nabo bavuga ko batabona abaguzi kuko nta rujya n'uruza rw'abantu rukiba muri iri soko.

Muri iri soko mpuzamipaka rya Cyanika hakoreramo ishami rya banki, ububiko bw’ibicuruzwa, Alimantation n’ibiro by’umwe mu miryango wigenga ukorera mu Karere ka Burera.

Ahandi hose hasigaye nta gikorerwamo, abarikoreramo bagaragaza ko imikorere yabo ikomwa mu nkokora no kubura abaguzi kubera impamvu basobanura.

Munyembaraga Jean de Dieu ukuriye Urugaga rw'abikorera mu Karere ka Burera, avuga ko ibyo bibazo bihari koko ariko bikaba byaragejejwe ku nzego zitandukanye bakaba bategereje igisubizo.

Umuyobozi w’Akarere ka Burera, Uwanyirigira Marie Chantal yasobanuye impamvu hagifatwa igipimo cya Covid 19.

Iri soko mpuzamipaka rya Cyanika ryuzuye mu mpera z'umwaka wa 2018 rikaba rigizwe n'ibice 2 harimo iryubatswe ku mupaka ndetse n'isoko ry'amatungo ryubatswe mu Murenge wa Rugarama ryo rikaba rikora neza.

Aya masoko yose yuzuye atwaye agera hafi kuri Miliyari ebyiri z'amafaranga y'u Rwanda.

Ally Muhirwa