Imiryango 67 yasenyewe n’ibiza muri Nyagatare yahawe inkunga y’Amabati

AGEZWEHO

  • Abasirikare 150 b’Abaholandi bari mu mahugurwa mu Rwanda – Soma inkuru...
  • Ahahoze inkambi y’impunzi ya Gihembe hatangiye gusubiranwa mu rwego rwo kuhabungabunga – Soma inkuru...

Imiryango 67 yasenyewe n’ibiza muri Nyagatare yahawe inkunga y’Amabati

Yanditswe Oct, 29 2021 16:42 PM | 127,288 Views



Imiryango 67 yo mu karere ka Nyagatare yari ifite inzu zigasenywa n’ibiza, yashyikirijwe inkuga y’ibikoresho by'ibanze birimo amabati, imisumari n'ibindi na Minisiteri ishinzwe Ibikorwa by’Ubutabazi.

Aba baturage bibukijwe ko bagomba kujya bazirika inzu ndetse bakanatera ibiti, mu rwego rwo guhangana n’ingaruka zo gusenyerwa n’ibiza by’imvura.

Imibare itangwa na Minisiteri ishinzwe ibikorwa by’Ubutabazi igaragaza ko mu karere ka Nyagatare imiryango igera ku 142 ariyo yahuye n’ikibazo cy’inzu zangijwe n’ibiza, ariko imiryango 67 muri yo niyo yasenyewe bikomeye ari nayo yahawe ibyo bikoresho by’ibanze byo kwifashisha mu kongera kubaka.

Buri muryango wahawe amabati 30, imisumari ndetse n’imikwege yabugenewe yo kuzirika ibisenge. 

Mu bukangurambaga bugamije gukumira no kugabanya ingaruka ziterwa n’ibiza, Minisitiri ushinzwe ibikorwa by’Ubutabazi, Kayisire Marie Solange yavuze ko abaturage bakwiye kwita ku kuzirika ibisenge.

Bamwe mu baturage basenyewe n’ibiza bahawe iyi nkunga bavuga ko basigaranye umukoro  wo gushyira mu bikorwa ibisabwa byose ku nzu zabo.

Ku ruhande rw'abo ibiza by’imvura yaguye mu minsi ishize ikabangiriza imyaka mu mirima yabo,  Minisitiri Kayisire avuga ko  bahabwa imbuto yo guhinga mu gihe ari ngombwa bakaba ngo banatabarwa bahuye n’ikibazo cy’inzara.

Mu minsi ishize mu bice bitandukanye by’akarere ka Nyagatare ibiza by’imvura byangije imitungo y’abaturage irimo ibihingwa bitandukanye, ahabarurwa hegitari 900 z’imyaka yangijwe n'aho inzu zasenyutse zo ni 142.

Ngoga Julius



Ba uwambere gutanga igitekerezo

Tanga igitekerezo:



RSS FEED

Urubyiruko ruri muri FPR Inkotanyi rwasabwe kwiga umuco nyarwanda no kurangwa n&

Itsinda ry'Abayobozi bakuru 25 ryaturutse muri Sudani y'Epfo ryasuye i

Ahahoze inkambi y’impunzi ya Gihembe hatangiye gusubiranwa mu rwego rwo ku

Abagenerwabikorwa ba Imbuto Foundation barashimira ibyo umaze kubagezaho mu myak

Humviswe Abofisiye bakuru ba Gendarmerie bakoze amaperereza kuri Muhayimana

Uganda yirukanye Abanyarwanda 30