Yanditswe Dec, 03 2020 11:58 AM | 214,680 Views
Urugereko rwihariye rw'urukiko rukuru rushinzwe kuburanisha
ibyaha mpuzamahanga n'ibyambukiranya imipaka , rwanzuye ko urubanza ruregwamo Nsabimana Callixte wiyise
Sankara na Herman Nsengimana bahoze ari abavugizi b'inyeshyamba zo mu mutwe wa
FLN n'urundi ruregwamo Paul Rusesabagina wayoboraga impuzamashyaka MRCD
n'urw'abandi barwanyi 17 bahoze muri FLN zihuzwa kuko ibyaha bakekwaho urukiko
rwasanze bifitanye isano ya hafi.
Tariki ya 26 ukwezi gushize ubushinjacyaha bwari bwasabye urukiko guhuza izi manza. Iki gihe ubushinjacyaha bwari bwagaraje ko ugutandukanya izi manza byari gufata igihe kinini kugira ngo zirangire kandi ibyaha aba bose bakekwaho gukora hafi ya byose bifitanye isano ya hafi.
Mu gufata umwanzuro wo guhuza izi manza, urukiko rwavuze ko rushingiye ku bimenyetso bikubiye muri dosiye z'ibyaha aba bose bemereye urwego rw'igihugu rw'ubugenzacyaha RIB mu ibazwa ry'ibanze, urukiko rwavuze ko ibyaha byiganjemo iby'iterabwoba, gushinga umutwe w'ingabo utemewe no kwemera kuwujyamo, kugaba ibitero ku butaka bw'u Rwanda n'ibindi byose babihuriyeho.
Urukiko rwifashishije Ingingo ya 94 y’ itegeko no 30/06/2018 rigena ububasha bw’inkiko iteganya ko zisobekeranye, iyo imanza nyinshi zifitanye isano ku buryo ikemurwa rya rumwe rigira ingaruka ku rundi kandi ku buryo ziramutse ziciwe rumwe ukwarwo urundi ukwarwo imikirize yazo ishobora kuvuguruzanya.
Aha bwagarutse ku ngingo ya 99 y’ itegeko no 30/ 2018 ryo kuwa 02/06/2018 ryavuzwe, iteganya ko iyo imanza zisobekeranye ziregewe mu rukiko rumwe, Perezida warwo abyibwirije cyangwa abisabwe n’umwe mu baburanyi ategeka ko izo manza ziburanishirizwa hamwe n’ inteko imwe y’ urwo rukiko rugomba kuziburanisha rushingiye ku busobekerane. Icyo cyemezo gishobora kandi gutegekwa n’ inteko iburanisha iyo ubwo busobekerane bugaragariye mu iburanisha.
Urukiko rusanga kuba Paul Rusesabagina wari Perezida w' impuzamashyaka MRCD, MRCD ikaba yari yarashinze umutwe w'ingabo wa FLN wavugirwaga na Herman Nsengimana na Callixte Nsabimana ndetse n'abandi barwanyi 17 bari muri FLN, bagomba kuburanira hamwe.
Urukiko rwemeje ko urubanza ruhuriweho n'abaregwa ruzatangira kuburanishwa mu mizi taliki ya 26 Mutarama 2021.
Callixte Kaberuka
U Rwanda na Georgia byemeranyije ubufatanye mu bya politiki na diplomasi
Apr 17, 2024
Soma inkuru
Hashyizweho uburyo bwo kwireba no kwiyimura kuri lisiti y’itora hakoreshejwe ikoranabuhanga
Apr 17, 2024
Soma inkuru
FERWAFA yanyuzwe n'umusaruro w'Amavubi mu mezi ane ashize
Apr 17, 2024
Soma inkuru
RHA yahumurije abubakishije amakaro yo mu bwogero ku nkuta z’inzu z’ubucuruzi
Apr 17, 2024
Soma inkuru
Gakenke: Imirimo yo kubaka Umudugudu w’Icyitegererezo uzatuzwamo abahoze mu manegeka irarimban ...
Apr 17, 2024
Soma inkuru
Karongi: Inzobere z’abaganga ba RDF zatangiye kuvura abaturage ku buntu
Apr 16, 2024
Soma inkuru
Abamotari batakambye ku biciro by’ubwishingizi birushaho gutumbagira
Apr 16, 2024
Soma inkuru
Rubavu: Abarokotse Jenoside baravuga ko ubuvuzi bahawe na Leta bwatumye bagarura icyizere
Apr 16, 2024
Soma inkuru