Abagize Unity Club Intwararumuri bagiye guterana ku nshuro ya 13

Kuri uyu wa Gatandatu nibwo haraba ihuriro ngarukamwaka rya 13 rya Unity Club Intwararumuri; rifite insanganyamatsiko igira iti: ”Ndi Umunyarwanda: Igitekerezo-ngenga cy’Ukubaho kwacu. 

Bamwe mu banyamuryango baryo bishimira ko ryabaye umusemburo w'impinduka nziza mu bijyanye n'ubumwe n'ubwiyunge bw'abanyarwanda, ndetse no guteza imbere imibereho yabo.

Mu mwaka wa 1996 nibwo ihuriro Unity Club Intwararumuri ryashinzwe; ku gitekerezo cya Mme wa perezida wa Repubulika Jeannette Kagame hagamijwe kugarura ubumwe n'ubwiyunge mu banyarwanda bwari bwarasenyutse biturutse kuri jenoside yakorewe abatutsi.