Icyanya cya Nyandungu abantu baruhukiramo kizatangira gukora mu Ukuboza-REMA

AGEZWEHO

  • Suede yahaye u Rwanda inkunga ya Miliyari 8 Frw – Soma inkuru...
  • U Rwanda n'u Bushinwa byasinyanye amasezerano akuraho gusoresha kabiri ibicuruzwa – Soma inkuru...

Icyanya cya Nyandungu abantu baruhukiramo kizatangira gukora mu Ukuboza-REMA

Yanditswe Nov, 10 2021 17:04 PM | 69,758 Views



Ikigo cy'igihugu gishinzwe kurengera ibidukikije, REMA cyatangaje ko icyanya cya Nyandungu (Eco Tourism Park) abantu bashobora kuruhukiramo, kizatangira gukora kumugaragaro mu Ukuboza uyu mwaka.

Nyandungu Urban Wetland Eco Tourism Park, ni icyanya cyo kuruhukiramo kiri hagati y'Akarere ka Gasabo na Kicukiro gifite hegitari zisaga 120. 

Iyo uhageze ubona urusobe rw'ibinyabuzima bitandukanye, ibiti by'amako atandukanye birimo n'ibivamo imiti nk'umuravumba, igicuncu n'umubirizi. 

Hari kandi amoko y'inyoni arenga 70.

Umuyobozi mukuru wa REMA, Kabera Juliet avuga ko iki gishanga kijya gutangira gutunganywa cyari cyaratangiye kwangirika.

Yagize ati "Dutangira kuhakorera hariho igishanga cyangijwe cyane, bahakoreraga imirimo yo gucukura ibumba, ubuhinzi butita ku kurengera ibidukikije, mbese igishanga cyari cyarakamutse."

Inzira z'abanyamaguru n'amagare, ubusitani, ibiyaga n'aho umuntu ashobora gufatira amafunguro biri muri iki cyanya. 

Urusobe rw'ibinyabuzima aha Nyandungu rurimo kugaruka, ibi bikaba bigaragaza ko abantu bashobora kwidagadura udahutaje urwo rusobe.

"Dutangiye kubona bya binyabuzima byari byaratakaye byongeye kugaruka, turabona ibimera bihari, turabona inyoni zaragarutse dufite ubwoko bw'inyoni burenze 70 hano gusa, kandi iyi ni intangiriro ku mushinga umeze gutya uko iminsi igenda niko bya binyabuzima byari byaratakaye byongera kugaruka. Harimo utuyira tw'abanyamagare n'amaguru, iki ni igishanga ariko ni igishanga cyo mu mujyi hari ingo zihakikije, abantu bakeneye aho bidagadurira ariko turagira ngo tugaragaze ko ushobora kwidagadurira mu gishanga ariko utacyangije."

REMA ivuga ko tariki ya 1 Ukuboza uyu mwaka amarembo y'iki cyanya aribwo azugururwa kumugaragaro.

Yagize ati "Ntabwo harafungurwa ku mugaragaro ariko gahunda irahari yo kuhafungura mu Ukuboza uyu mwaka, rwiyemezamirimo uzaza kuhakorera agomba kuba ari umuntu wumva kubungabunga ibidukikije icyo ari cyo, ntabe ari umuntu uzi uko bacunga stade biratandukanye kuko hano hari ibikorwa bya siporo ariko biri mu gishanga. Niyo nyigo turimo ubu nyuma yaho tuzabona rwiyemezamirimo uzaza kuhakorera ibyo byose byo kwishyuza, ibyo byose bizagaragarira muri iyo nyigo irangiye."

Aha kandi hari ibinyabuzima bishobora gufasha abanyeshuri n'abashakashatsi.

Ni icyanya kizarangira gishowemo miliyari zisaga 6 Frw.

Kwizera John Patrick



Ba uwambere gutanga igitekerezo

Tanga igitekerezo:



RSS FEED

Abakoresha moto zikoresha amashanyarazi barasaba ko hakongerwa aho zishyirirwamo

Dr Mujawamariya yasabye ko buri wese akwiye gufata iya mbere mu kubungabunga ibi

Nta mwuka mubi cyane uri mu kirere cyo mu karere ka Rubavu-REMA

Dr. Mujawamariya yasabye ko ikibazo cy’imigezi ya Nyamutera yangiriza abat

Moto zikoresha lisansi zatangiye guhindurwa zigakoresha amashanyarazi

75% bya frigo ziri mu Rwanda zirashaje kandi zangiza n'ikirere-REMA