Uko amafaranga akoreshwa mu gutumiza ibiribwa ku yindi migabane yafasha Afurika kwihaza

AGEZWEHO

  • Suede yahaye u Rwanda inkunga ya Miliyari 8 Frw – Soma inkuru...
  • U Rwanda n'u Bushinwa byasinyanye amasezerano akuraho gusoresha kabiri ibicuruzwa – Soma inkuru...

Uko amafaranga akoreshwa mu gutumiza ibiribwa ku yindi migabane yafasha Afurika kwihaza

Yanditswe Oct, 22 2021 17:09 PM | 76,841 Views



Ihuriro ry’abahinzi n’aborozi mu Afurika, PAFO riravuga ko amafaranga akoreshwa mu gutumiza ibiribwa ku yindi migabane, yafasha uyu mugabane kwihaza mu biribwa aramutse ashowe mu rwego rw’ubuhinzi, rikaba ryabigarutseho mu nteko rusange y’iminsi ibiri mu Rwanda, 

PAFO iravuga ko yiteguye gutanga umusanzu wayo kugira ngo Afurika izabe yihagije mu biribwa mu cyerekezo 2063.

Iri huriro rirabivuga mu gihe umugabane wa Afurika wihariye 60% by’ubutaka buhingwa ku isi, ariko ku rundi ruhande ukagira umubare munini w’abakeneye ibiribwa kurusha ahandi ku isi.

Umuyobozi wa PAFO, Elizabeth Nsimadala avuga ko kugira ngo iyo ntego igerweho, bisaba ko ibihugu bishora imari ihagije mu buhinzi.

Yagize ati "Umuryango wa Afurika Yunze Ubumwe intego yawo ya 2063 nkeka ko dufatanyije nk'ibihugu nk'abaturage bo kuri uyu mugabane, nk'abahinzi tuzabigeraho. Icyo nishimiye twumvise Minisitiri w'Ubuhinzi atubwira uburyo u Rwanda rwateye intambwe yo gushora muri uru rwego mu birebana no kuhira kugira ngo abahinzi bashobore guhinga igihe cyose. Ibihugu byose bikoze nk'ibyo, abahinzi bose bakabikora tukongerera ubushobozi amashyirahamwe y'ubuhinzi bakabona imbuto nziza, inyongeramusaruro ndatekereza ko twakongera umusaruro w'ubuhinzi."

Minisitiri w'Ubuhinzi n'ubworozi, Dr. Gerardine Mukeshimana avuga ko iri huriro ryagombye kuba umusemburo wa Afurika wo kwihaza mu biribwa.

"Ndifuza kugaragaza ubushatse bw'u Rwanda mu gufatanya na PAFO n'amashyirahamwe y'abahinzi mu Rwanda kugira ngo bashobore gufasha abahinzi bo hasi. Icyifuzo cyacu ni uko PAFO yaba umusemburo wo guteza imbere ubuhinzi muri Afrika ikawugeza ku rundi rwego. Mu biganiro byinshi ku buhinzi PAFO yagizemo uruhare twiyemeje gukora ubuhinzi bwongera umusaruro kandi buhangana n'ikibazo cy'imirire, kwihanza ndetse bitume abahinzi babaho ubuzima bwiza."

Kuba Afurika yihariye 60% by’ubataka buhingwa ku isi, ntibyabujhije ko muri 2020 Afurika ariyo yari ifite umubare munini w’abakeneye ibiribwa ku isi, kuko bari miliyoni 300.

Imibare y’Ihuriro ry’Abahinzi muri Afurika PAFO, igaragaza ko muri 2019 Afurika yatumije ku yindi migabane ibiribwa bifite agaciro ka miliyoni 43 z’amadorari, amafaranga ngo yazana impinduka zikomeye aramutse ashowe mu buhinzi.



Bosco Kwizera




Ba uwambere gutanga igitekerezo

Tanga igitekerezo:



RSS FEED

Suede yahaye u Rwanda inkunga ya Miliyari 8 Frw

Perezida Kagame yageze i Dar es Salaam muri Tanzania

U Rwanda n'u Bushinwa byasinyanye amasezerano akuraho gusoresha kabiri ibi

Urukiko rw'ikirenga rurasaba abaturage kudatanga ruswa kugirango babone ser

Dr Nsanzimana uyobora RBC yahagaritswe

Dr Ndagijimana yavuze ku izamuka ry’ubukungu ku gipimo cya 10.2% n'uk